فندق محترم جدا و تجربة ممتازة فعلا و اكيد هتتكرر ان شاء الله
بالنسبه للغرف ... غرف نضيفة واثاث حالته كويسه و كان واضح انه جديد و الغرف واسعه و خدمة الغرف كانت ممتازة من حيث النضافه و السرعه
بالنسبه للموقع ... الموقع كويس جدا علي طريق سفاجا بعد الغردقه ب نص ساعه و قبل سوما باي بخمس دقايق
بالنسبه للاكل ...الاكل نضيف و طعمه حلو و في ميزة ان غالبا طول اليوم متاح الاكل في المطاعم عشان في وجبة فطار متاخره و وجبة غدا متاخره و وجبة عشاء متأخره... يعني لو الفطار من ٧ ل ٩ فاتك هتلاقي في مطعم تاني بيقدم وجبة فطار متاخره من ٩ ل ١١ ... عيب الاكل الوحيد انه كان متكرر يوميا مفيش تنوع بسكل واضح
بالنسبه للخدمات والمرافق ... حمامات السباحه كلها نضيفه و دايما في عامل موجود و البحر رايق و صافي جدا في المنطقه دي و تقدر تعمل فيه اسنوركلينج بنضاره بحر بس و في ممشي لطيفه جدا
بالنسبه للاستقبال والترفيه ... موظفين الإستقبال في غاية الاحترام والتعاون واختص بالشكر استاذ اسلام شخص في قمة الاحترام و الشياكه ... تيم الانيميشن لطيف جدا و برامجه حلوه جدا و مسليه
عيب المكان ان الفندق نسبيا صغير مش كبير و المياه اللي بتنزل من الحنفيه لا تصلح للشرب ودي حاجه هما متغلبين عليها بالمياة المعدنيه اللي كل يوم خدمة الغرف بتحطهالك في الغرفه
بشكل عام الاوتيل كويس جدا و سعره كويس جدا مقارنة بمستواه من كل الجوانب وتحس هناك براحه نفسيه من نوع مختلف فعلا