مش عارفه أبدأ إزاي بس علشان اكون محدده تعليقى أو نقدي موجه لأدارة و القائمين على إدارة الفندق ، الفندق جميل جدآ جدا و مساحته حلوه أوي و الفيو أكتر بجد من رائع تحفه حقيقي بس للأسف الحلو دايما مايكملش أرجوكو خلي بالك من الفندق ، الفندق محتاج انتعاشه محتاج شوية أفكار بسيطه و الله بس حتفرق كتير أنا شخصيا اتصدمت لما كنت موجوده المره دي الفندق ميتميت بهتان ممل مفيهوش أى حاجه ممتعه ،الكلام ده بعيد عن الموظفين ، الموظفين زي الفل و فى منتهى الذوق و الأدب بس أرجوكو خلو بالكو من الفندق حرام أنا صعبان عليا أوي و الله أنتبهو عليه شويه هو محتاج شوية مصاريف و أفكار تعمله انتعاشه من فضلكو الفندق جميل و موقعه ممتاز و الفيو تحفه رائع بس المكان باهت ممل يزهق ... أعملو حاجه اتحركو خساره خساره خساره.. أرجو كلامى يتفهم صح

وصلنا الفندق الساعه ١٢ انا وصحابي والاكل جميل جدا والبحر حلو وبنشكر الانيميشن على السهرات الجميل وعلى التدريب اليومى المطعم الايطالي حلو جدا وبشكر الاستف علي ما قدمه لنا من مساعدة و سوف نأتي في الاجازه القادمة

الفندق حلو جداا وكل الناس اللي فيه كويسين جدا ومحترمين وكانوا بيساعدونا في اى حاجه عايزنها والاكل كان جميل والفندق فعلا زى الصور بالضبط والاداره فيه كويسين عارفين يتعاملوا مع النزلاء غير فنادق تاني الصراحه وان شاء الله هتكرر تاني لان المكان يستاهل فعلا وشكرا للكل اللي في فندق وعلي تعبهم معانا