سيفا شرم الشيخ
الفيو تحفه و المكان واسع و مساحته حلوه جدآ
و فريق العمل محترمين جدآ و ذوق جدآ
لكن للأسف الشديد الفندق بينهار من عدم الإهتمام
الأكل سئ جدآ و مفيش إهتمام بأى حاجه و السعر غير مقابل للخدمه نهائى و السعر غالى جدآ
رسالتى موجهه لإدارة الفندق يا ريت لو تهتموا شويه بالمكان
الموضوع بسيط و محتاج شوية صرف بسيط و أفكار بسيطه تعمل إنتعاشه للمكان
حيفرق جامد جدآ لكن للأسف لو فضل الحال على ما هو عليه
الفندق هيموت و مش هيقوم تانى
يا ريت بجد تهتموا بالمكان شويه
أنا شخصيآ مش هنزل هناك تانى و منصحش أى حد إنه يروح سيفا شرم أبدآ

والفندق حلو وجميل ونظيف والخدمة ممتازه والانيميشن حلو جدا والغرف جميله ونظيفه والمطاعم نظيفه والمنظر رائع وحقيقي اتبسطنا جدا وهنيجي تاني في أقرب فرصه على نفس الفندق والأطفال مبسوطه جدا بالشو والانيميشن

مش عارفه أبدأ إزاي بس علشان اكون محدده تعليقى أو نقدي موجه لأدارة و القائمين على إدارة الفندق ، الفندق جميل جدآ جدا و مساحته حلوه أوي و الفيو أكتر بجد من رائع تحفه حقيقي بس للأسف الحلو دايما مايكملش أرجوكو خلي بالك من الفندق ، الفندق محتاج انتعاشه محتاج شوية أفكار بسيطه و الله بس حتفرق كتير أنا شخصيا اتصدمت لما كنت موجوده المره دي الفندق ميتميت بهتان ممل مفيهوش أى حاجه ممتعه ،الكلام ده بعيد عن الموظفين ، الموظفين زي الفل و فى منتهى الذوق و الأدب بس أرجوكو خلو بالكو من الفندق حرام أنا صعبان عليا أوي و الله أنتبهو عليه شويه هو محتاج شوية مصاريف و أفكار تعمله انتعاشه من فضلكو الفندق جميل و موقعه ممتاز و الفيو تحفه رائع بس المكان باهت ممل يزهق ... أعملو حاجه اتحركو خساره خساره خساره.. أرجو كلامى يتفهم صح