مكان جميل للغاية و مناظر طبيعية في كل مكان و اجمل اشي الغرف مميازة في سنتيدو و الطعام عالي الجودة و اعتقد ان هنا اشطي من اجمل الشرطي التي رايتها في شرم و انا معجب بنظام الفندق و من اجمل الشئ عروض الأنيمشن تيم و العروض التي يقدموها للأطفال و العروض المختلفة كل يوم أحب اشكر كل تيم الانيمشن و كل من اسعدنا في هذة الاجازة شكرا
عزيزي الأستاذ محمد أود أن أشكركم علي مشاركة رأيكم عن إقامتكم معنا ومما اسعدنا كثيرا هو اعجابكم بجودة الطعام واالشاطئ كما اني مسرور جدا بانكم قد استمتعتم بالعروض المختلفه الخاصه بفريق الترفيه. نتمني أن نرحب بكم في المستقبل القريب. مع أطيب الأمنيات
مستوى الغرف و حمامات السباحه جيد جدا
فرش الغرف جيد جدا - تكييف ممتاز - اضائه خافته الى حد ما
الانميشن تيم ودودين جدا و شاطرين جدا
المياه الموجوده فى البحيره الخاصه بالاكوا بارك قذره للغايه
الاكوا بارك الخاص بالاطفال ارضيه البحيره مليئه بفضلات و قشور الدهانات وده اصاب بنتى بجرح فى القدم و الركبه
اللوبى فى قمه السوء و عمرى ما شوفت فندق 5 نجوم الرسيبشن عنده بالضيق و الخنقه دى (مساحه صغيره جدا - عدد قدعات محدود جدا - السقف واطى جدا مما يوحى بالاكتئاب - الاساس فى الرسيبشن متهالك و الفرش عليه قذر جدا - اعمال الصيانه بتتم فى منتصف اليوم فى الرسيبشن!!! - باب الدخول و الخروج من الرسيبشن صغير جدا لدرجه ان عجله الاطفال كانت مش بتكفى تعدى منه!!) حاجه لا تليق بفندق 3 نجوم بصراحه
الفندق مقسوم بين ال 4 نجوم و ال 5 نجوم بالطول و ده سىء جدا لنزلاء ال 5 نجوم ( البحر بعيد علينا - الشاطىء بتاعنا بعيد اكتر - خدمات قليله على شاطىء ال 5 نجوم - مفيش اى اسناكس على شاطىء ال 5 نجوم - الحفلات بعيده على نزلاء ال 5 نجوم)
الباص الى بينقل النزلاء غير امن تماما و بيمر من اماكن ضيقه جدا ممكن اى حد ايده خارج الباص تتكسر بسهوله!
و اخيرا المئسااااه الكبرى: محتاج عشان اروح لعربيتى فى الباركينج انى امر وسط ملاعب مهجورة و مظلمه و امشى وسط الاشجار فى الظلام الحالك !!
طبعا و انا رايح الجراج زوجتى تعثرت اكتر من مره
مفيش طريق ممهد لمشايه الاطفال و اضطريت اشيلها طول فتره الى ماشى فيها على نجيله
ممنوع ادخل الاولاد بالعربيه لحد الرسيبشن حتى!!
مطعم الايطالى و الكبابجى فى غايه السوء و مش عارفين يعملوا اكل ايطالى ولما سألتهم لقيت معندهمش المعلومه اصلا
الحمد لله تجربه سيئه مش هاكررها تانى و هارجع لفنادقى المفضله هيلتون الشلالات و حياه ريجينسى
عزيزي الأستاذ عمرو اولا اود ان اشكركم عن مشاركتم برايكم عن تجربتكم خلال اقامتكم معنا وقد أسعدني إعجابكم بمستوى الغرف وحمامات السباحه وفريق الترفيه. و أعتذر لكم حيث اننا لم نصل إلي مستوى تطلعاتكم في بعض النقاط و أود أن أشير إلي أنه سوف يتم النظر بعين الإعتبار إلي جميع التفاصيل التي قد تفضلتم بسردها لتحسين مستوي خدمة ضيوفنا. مع خالص تحياتي
الفندق ممتاز والخدمات جيده ويوجد اكوا بارك بالفندق والانيميشن ممتازين في تعاملهم مع الجيست والحفلات الترفيهيه متنوعه والاكل متنوع وجيد جدا والنظافه جيده ولكن يوجد تفرقه في التعامل بين المصرى والاجنبي داخل الفندق
عزيزي الضيف ، انه لمن دواعي سروري وفخري ان أري سعادة نزلائنا في مشاركتهم بتجربتهم معنا واعجابهم بالخدمات التي قد قدمت اليهم ، وأريد ان أطمئن سيادتكم اننا نحاول من خلال التدريب المستمر وتوعية الموظفين أن نحافظ علي التعامل مع الجميع دون تفرقه. كما اعدكم خلال تشريفكم لنا بزياره في المستقبل القريب ان تشاهدوا نتائج هذا الجهد المبذول علي مختلف المستويات.
مع اطيب الامنيات
حمامات السباحه حلوة هناك وفريق الانيمشن بس بعد كدة ولا فى اى حاجة حلوة ازاى انا اكون حاجزة فى سنتيدو ودافعة فلوس اكتر واركب باص عشان اروح البحر مسافه طويله جدا وكمان اركب الباص عشان اروح حفله الانيمشن بليل الانيمشن ما كنش بيجى سنتيدو ابدا كل السناكس والحفلات فى الفندق 4 نجوم الر يسبشن مقرف وقذر والستف معامله زى الزفت وعدم وجود شطاف فى كل حمامات الغرف و ال بينضف الغرف يقولى لازم انضف غرفه الاجنبى الاول فى المطعم ولا مرة فى الاربع ايام حد جه سالنى تشربى ايه بيخدموا بس على الاجانب اما المصريين لازم يعملوا كل حاجة بنفسهم بجد الادارة مبوظة الفندق وحاجة تقرف وتعبت جدا من الفندق والخدمه البوفيه سىء جدا تكرار فظيع فى الاكل غداء وعشا وكل يوم الصراحه الفندق يستاهل 3 نجوم مش اكتر
السيده الفاضله/ دينا ، اولا اريد ان اشكرك على مشاركتك لنا تجربة إقامتكم معنا ويسعيدنا انكم قد استمتعتم بوسائل الترفيهيه داخل المنتجع مثل حمامات السباحه وفريق الترفيه . واود ان أعتذر عن بعض الخدمات التي لم نرقي الي مستوى تطلعاتكم . واتمني ان نتشرف بكم مرة اخري في وقت قريب وان تشاهدوا الجهد الذي يتم بذله من أجل تحسين مستوى خدماتنا.
مع خالص تحياتي
اوتيل أكثر من رائع و خدمة ممتازة و نظافة و خدمة ممتازة جدا و كنت مبسوووط جدآ انا عيلتي ...
الاكوااا بارك جميلة جدآ والأنشطة إلي فيهااا جميلة جدآ ....
الشط جميل جدآ والأنشطة كمااان جميلة جدآ....
وبالنسبة للانيميشن هما سبب كبير في فرحتنا واننا لم نذهب خارج الاوتيل.....
حفلات بليل فوق الرائعة فريق فعلا جميل وشباب محترمة جدآ ...
خاصة اسكندر وفادي شكرآ جدآ ....
شكرآ واكيد هنيجي تاني .....
الاستاذ الفاضل/ محمد ، اود ان اشكركم علي مشاركتم برايكم عن تجربتكم خلال اقامتكم معنا والتى اجد بها احساس بالبهجه شعرت به من قرائتي لتلك المشاركه وبالتاكيد ان ذلك ينبع من رضائكم عن اقامتكم. انا فخور بهؤلاء الموظفين الذين تم ذكرهم وسوف يتم شكرهم ايضا من جانبنا لحرصهم علي خلق تجربه مميزه لضيوفنا.
وسوف نسعد بكم كثيرا عند استضافتكم في المستقبل القريب.
مع ارق الامنيات
