١- الاستقبال دور ارضي وعلوي والاتنين من غير تكييف
٢- غرف سيئة من حيث:
@ الكوالين تعلق ولا يمكن فتح الباب غير بطلوع الروح
@ التكييف يا اما مش شغال بكفاءة يا اما شغال ينزل مياه من فتحات المكيف داخل الغرفة
@ الصابون داخل الخمام ريحته زبالة ومن أردأ الأنواع تحس انه صابون مواعين
@ الغرف على حدائق تروى بماء الصرف الصحي دون معالجة لدرجة اني رجعت اللي في بطني من الريحة
٣- خدمات الطوارئ غير موجودة طول اليوم يعني من ١١ ما تلاقيش الصيدلية ولو جبت الدواء من العزبي خدمة توصيل ممنوع دخول الممرض مع الحقن
٤- حمامات السباحة مش نظيفة ومكسرة وبتعور لو مش واخد بالك
٥- المطعم صغير جدا جدا بالنسبة لعدد النزلاء ولا يستوعب غير ١٠٠ فرد كحد اقصى ولازم تقف لما تفضى ترابيزة
٦- الاكل سيء يا اما شارب زيت جدا يا اما ناشف واللحوم سواها نيء بعض مرة تلاقي اللحم احمر مش مستوي
٧- التعامل مع النزلاء بتعالي في الريسبشن من بعضهم وتحس انهم واخدين الم في نفسهم
٨- خدمات الغرف لما بتيجي بعد ما يمشوا بتلاقيهم سايبينلك الغرفة مبلولة ولازم تتحرد بحذر عشان ما تتزحلقشي
٩- فوط السباحة معفنة ومش بتتغسل كويس لدرجة ان في فوطة كانت جاتلي واقع عليها مشروب او بقايا اكل
١٠- الحمام في الغرف فيه حشرات
١١- وانت قاعد سهران بيطفوا عليك النور في اماكن الجلوس عشان يجبروك تقوم
١٢- مفيش اي بوفيه بعد ١١ حتى ولو بفلوس زيادة زي ما كاتبين في استمارة الحجز
١٣- التلفاز محطاته تعبانة ومشوشة ولا يمكن مشاهدتها - طيب تاعبين نفسهم وحاطين في الغرف تلفزيونات ليه ؟؟؟؟
١٤- كراسي التراس امام الغرف معظمه بدون مخدات - خشب والمخدات متشالة من عليه
١٥- الاباجورات في الغرف بعضه الفيشة مقطوعة وبالتالي مش بينور .. ومحسوب عليك ان عندك
١٦- مناشر الملابس في الغرف في التراس مصدية وبتوسخ الهدوم
١٧- مواعيد اتوبيس الفندق للشاطئ مش مضبوطة - بيكون موعده ٩:٤٠ وبييجي الفندق على ٩:٥٠ ويتحرك ٩:٥٣ .. وفي العوة موعده ١٢ من الشاطئ بيوصل الشاطئ ١٢:٢٠ ويوصل الفندق ١٢:٤٥ وتضطر تاخد تاكسي على حسابك عشان تلحق الرحلة اللي بتكون حاجزها الساعة ١٢:٣٠ عشان معالي الباشا السواق بتاع الاوتوبيس بيتحرك بمزاجه
١٤- المياه طعمها غريب ووحش ولا تصلح للشرب