انا مش عارف الفندق ده بيتم تصنيفه 5 نجوم ازاى الفندق شكله جلو من بره ومساحته كبيرة جدا بس ادارة الفندق تقريبا بتوفر فى العمالة لدرجة انا شوفت موظف فى اكتر من مكان فى نفس اليوم الاكوا حلوة مناسبة للاطفال والكبار والشاطئ 10 متر رملى والباقى صخرى والمشاية اخرها زى حوض سمك كبير متنوع الاسماك اللى فيه ومنظره حلو جدا ومناسب جدا لعمل الاسنوركلينج واللى مبيعرفش يغطس ممكن يتفرج فقط على الاسماك الملونة فهى واضحة جدا والغرف بتاعته معقوله لحد ما ولازم تتصل علشان حد يجيلك ويصلحللك البايظ او يعوض لك الناقص ولكن الهاوسكيبنج ممتازين وتاخذ ازازة مياه واحده 1.5 لتر فقط ونيجى بقا للآكل فهو متكرر بصفة يومية ومفيش تجديد خالص وتقف طابور علشان تاخذ اى لحوم او فراخ او حتى بيض اومليت ومش عارف ليه كده هل علشان المصريين كتار اوى فى الفندق ولا علشان مفيش اى سياح اجانب فنسبة اشغالات المصريين فاقت الوصف واهدار الاكل فاق كل الحدود من جانب المصريين والفاكهة اللى بيعرضوها عجيبه عنب مفرط وقطع برتقال متقطع اربع تربع واسطاف العمل فى المطعم لا يمت للسياحة والفنادق باى صلة خالص والمشروبات مش عارف واحد واقف بازازتين 2 لتر واحدة بيبسى والتانية اسبرايت او سفن ويصبلك فى كوباية بلاستيك صغيره اوى اوى لا تناسب طفل صغير اما الاسناكس فقطع باتيه حضرتك ممكن تشتريها من اى فرن وحتى كمان لو عايز تشرب نسكافيه او شاى فالأمر ده عامل ليهم ربكة شوية لان الضغط عليهم رهيب ومفيش عماله كتيرة والمصريين كاييفة شاى او نسكافيه وفريق الانيمشن للاطفال...انا مش عارف الفندق ده بيتم تصنيفه 5 نجوم ازاى الفندق شكله جلو من بره ومساحته كبيرة جدا بس ادارة الفندق تقريبا بتوفر فى العمالة لدرجة انا شوفت موظف فى اكتر من مكان فى نفس اليوم الاكوا حلوة مناسبة للاطفال والكبار والشاطئ 10 متر رملى والباقى صخرى والمشاية اخرها زى حوض سمك كبير متنوع الاسماك اللى فيه ومنظره حلو جدا ومناسب جدا لعمل الاسنوركلينج واللى مبيعرفش يغطس ممكن يتفرج فقط على الاسماك الملونة فهى واضحة جدا والغرف بتاعته معقوله لحد ما ولازم تتصل علشان حد يجيلك ويصلحللك البايظ او يعوض لك الناقص ولكن الهاوسكيبنج ممتازين وتاخذ ازازة مياه واحده 1.5 لتر فقط ونيجى بقا للآكل فهو متكرر بصفة يومية ومفيش تجديد خالص وتقف طابور علشان تاخذ اى لحوم او فراخ او حتى بيض اومليت ومش عارف ليه كده هل علشان المصريين كتار اوى فى الفندق ولا علشان مفيش اى سياح اجانب فنسبة اشغالات المصريين فاقت الوصف واهدار الاكل فاق كل الحدود من جانب المصريين والفاكهة اللى بيعرضوها عجيبه عنب مفرط وقطع برتقال متقطع اربع تربع واسطاف العمل فى المطعم لا يمت للسياحة والفنادق باى صلة خالص والمشروبات مش عارف واحد واقف بازازتين 2 لتر واحدة بيبسى والتانية اسبرايت او سفن ويصبلك فى كوباية بلاستيك صغيره اوى اوى لا تناسب طفل صغير اما الاسناكس فقطع باتيه حضرتك ممكن تشتريها من اى فرن وحتى كمان لو عايز تشرب نسكافيه او شاى فالأمر ده عامل ليهم ربكة شوية لان الضغط عليهم رهيب ومفيش عماله كتيرة والمصريين كاييفة شاى او نسكافيه وفريق الانيمشن للاطفال معقول اما الكبار فهو غريب شوية فى فقراته وممكن يقدم فاصل رقص شرقى - من الآخر لا انصح بيه لاى حد عايز يروحهالمزيد