الفندق بالنسبة للسعر معقول جدا المشكلة لا يوجد تنوع في الاكل يعتبر ثابت يوميا ولا يوجد مواقف للسيارات طبعا لظروف خليج نعمة والمكان ممتاز العاملين اكثر من رائعين نظافة الفندق ممتازة يوجد حمام سباحة للاطفال

هقول المزايا والعيوب بما يرضى الله من غير افورة ولا تجنى على حد اولا العيوب اللوبى بتاع الفندق شكله اقل من المتوقع بالذات الصبح والانتريهات اللى فيه قديمة ومش مريحة وبتدى انطباع سيئ عن الفندق لان اللوبى المفروض انه واجهة الفندق واول حاجة بيشوفها الضيف وعلطول التكييف يا مطفى يا مش شغال بكفاءة المهم علطول اللوبى حر والواى فاى سيئ للغاية كأنه مش موجود ...على الرغم ان الفندق نسبة الاشغال فيه مش عالية اوى والغرف الفاضية كتير وده عرفناه لما قعدنا فيه بعد كده الا ان موظف الاستقبال قعدنا حوالى ساعة ونص عشان يسلمنا الاوضة واحنا واصلين الفندق 11.15 دخلنا الاوضة تقريبا الساعة 1.30 وساعة التسليم اتصال على الاوضة وارسال واحد من الهاوس كيبينج واستعجال ... المشروبات اى كلام حاجة ساقعة بيجيبها سخنة مولعة ويحط ثلج فتلاقى التلج يسيح من السخونة وتحس انك بتشرب مية وباقى المشروبات بودر مش عصير طبيعى والكابتشينو مش مجانا ومفيش هوت شوكلت يعنى المشروبات ناقصة كتير واى كلام المسئول عن البشاكير عند حمام السباحة اسلوبه سيئ جدا للاسف معرفتش اسمه الاتنين اللى معاه حاطين اسمائهم وهو مش حاطط اسمه بس بيلبس شورت ابيض كان بيعمل حركات عشان ياخد بقشيش لدرجة انى طلبت منه بشكير شكله نضيف قالى ده بتاع ضيف مشتريه ....مفيش اى نشاط ترفيهى خالص فى الفندق لا حفلات ولا اى حاجة وترابيزة البلياردو مركونة ديكور ولا فى تنس طاولة زى ما قالوا ولا شوفت فريق الانيميشن اللى بيقولوا عليه ولا سمعت عنه فى الفندق ...
دى العيوب المزايا بقا ان كل الموظفين محترمين فى التعامل باستثناء عامل البشاكير... المطعم جيد جدا والاكل متنوع والشيف اللى واقف على اللحوم والفراخ والسمك ودود جدا ولو رحتلوا كذا مرة بيديك اللى انت عايزه بخلاف السمك واللحوم والفراخ كل حاجة مفتوحة انت اللى بتغرف لنفسك ... الغرف جيدة وواسعة والسراير كويسة جدا ومريحة ونضيفة وتكييف الاوضة هايل وفى تلاجة صغيرة فى الاوضة والحمام كويس وفى مجفف شعر ومناديل وشامبو وصابون وفى تلفزيون به قنوات بين سبورت ... البيتش قريب مش بعيد وجميل رملى مفيش صخور ومش غريق وامن جدا باختصار الفندق بشكل عام جيد جدا واقتصاديا لما تقارن المدفوع من الفلوس بالمردود هتلاقى ان الرحلة تقريبا شبه مجانية انا كنت طالع 3 ليالى ب 650 جنيه اول كلوسيف حسيت انى حصلت على خدمات بالمبلغ ده ففى اول يوم بس والباقى كله بونص بس نصيحة بردوا لاى حد هيروح شرم الشيخ عموما ميروحش 3 ايام خالص شرم اقل حاجة اسبوع عشان المسافة والتفتيش طول الطريق 9 ساعات رايح و9 جى كتير جدا 18 ساعة سفر مكتف فى الباص ضيعوا متعة الرحلة فالافضل يا تروح اسبوع يا تروح طيران لكن عروض الشركات اللى عاملاها 3 ليالى دى متعبة جدا

الفندق جميل جدا ونظيف ومريح و الاكل جميل ومتنوع و البحر قريب و في موقع جميل خليج نعمة
كنت مقلقة شوية من التعليقات السلبية اللي مكتوبة
بس كويس اني روحت لانه بجد جميل
اتبسط جدا فيه و احب اروحه مرة تانية