الفندق اكتر من رائع من اول وصولنا وفي راحة مش طبيعية..الاستقبال بشوش ومتعاون جدا وشكر خاص للاستاذ احمد سمير اللي متابع معانا من قبل الوصول للفندق لحد الشيك اوت والوصول للبيت بصراحة ذوق ومحترم جدااااا وكل شوية يتصل يطمن عالاقامة ولو في اي حاجة محتاجينها..وعملنا upgrade للغرفة من منظر الجبل لمنظر البحر بدون اي رسوم زيادة...بصراحة الف الف شكر يا استاذ احمد علي ذوقك ومعاملتك الطيبة..
المطعم الرئيسي الاكل فيه نظيف جدا ومتنوع ومفيش بقايا اكل لليوم التاني زي بعض الفنادق وشكر خااااص للاستاذ محمد حامد الراجل المحترم البشوش دايما مبتسم رغم الضغط عليه عمري مشفته غير مبتسم وبيضحك دايما وبيسألنا دايما ايه اخبار الاكل ويطمن ان كل حاجة تمام غير معاملته للاطفال بجد ربنا يباركله وشكر خاص للاستاذ احمد الطباخ دايما مهتم بالكوالتي بتاعت الاكل وبشوش ومبتسم علي طول بصراحة الناس كلها في المطعم محترمة جدا وذوق بشكل لطيف جدا ومهتمين بالنظافة بشكل ممتاز في المطعم والغرف وكل الاماكن ..واضح انهم بيختارو ناس محترمة جدا للعمل في الفندق ..بصراحة انا زعلت جدا اني مشيت بس هكررها تاني ان شاء الله وكل التوفيق لكل العاملين في الفندق❤❤

اتقدم بخالص الشكر والتقدير للجهد المبذول من العاملين بالفندق لراحتنا واسعادنا في فترة قصيرة احسسنا خلالها بالود من الجميع واستجابة كل المطالب والملفت للنظر الاهتمام من الجميع بادق ملحوظة ومحاولة تلافيها فورا ... كل الشكر للإدارة لحسن اختيار العاملين بالفندق وكل عام وانتم بخير