الفندق : خلفى فى مدخل منطقة شاركس باى بعيد عن البحر - لكن ليه باص مجانى بيخرج من الفندق بترتيب مع الرسيبشن للشاطئ الخاص بالفندق الشقيق والتابع أيضا لنفس سلسلة جاز (فندق جاز بيلفيدير وده فندق 5 نجوم). وهناك فيه مطعم للسناكس : وفيه بتطلب بيتزا ( 3 او 4 انواع بيتزات ) وساندوتشات كيزر ضخم ( برجر أو هوت دوج ) ومعاها بطاطس واطباق سلطات (خضراء يونانى أو سبيط) وبتتعملك مخصوص وتجيلك fresh . بالاضافة لبوفيه للمشروبات (مياه أو غازية او عصائر عادية أو مشروبات ساخنة بجميع انواعها : شاى - نيسكافيه - موكا - كابتشينو - لاتيه - هوت تشوكليت - اكسبريسو - ...). البحر هناك عبارة عن : مسافة لجوة بعمق قليل ويبتدى يزيد العمق بعد مشى فى المياه لمدة 5 دقايق تقريبا ويُفَضل ارتداء حذاء للبحر لأن الرمل مش ناعم دايما. وكمان فيه لسان للى بيحب يعمل سنوركلينج. كل ده فى الفندق الثانى اللى كنا بنقضى فيه فترة الظهر من 11 لغاية 4 او 5 مساء. بالنسبة بقى للفندق نفسه : الفندق مقفول من فترة وكان اسمه سوليمار شاركس باى واتفتح اول يوليو 2021 باسم جاز شاركس باى. الحقيقة اللى شدنى للمكان ده اسمه لأنه تابع لادارة فنادق جاز مع سعره اللى باعتبره للسلسلة دى رخيص جدا. وعدم وجود ريفيوهات ليه حديثة على بوكينج او تريب ادفايزور وفهمت فى الاخر انه لسة فاتح بعد فترة غلق طويلة. المكان عبارة عن حمام سباحة واحد كبير ومقسم لمجموعة اجزاء بأعماق مختلفة وفيه جزء جاكوزى والغرف عبارة عن مجموعة...الفندق : خلفى فى مدخل منطقة شاركس باى بعيد عن البحر - لكن ليه باص مجانى بيخرج من الفندق بترتيب مع الرسيبشن للشاطئ الخاص بالفندق الشقيق والتابع أيضا لنفس سلسلة جاز (فندق جاز بيلفيدير وده فندق 5 نجوم). وهناك فيه مطعم للسناكس : وفيه بتطلب بيتزا ( 3 او 4 انواع بيتزات ) وساندوتشات كيزر ضخم ( برجر أو هوت دوج ) ومعاها بطاطس واطباق سلطات (خضراء يونانى أو سبيط) وبتتعملك مخصوص وتجيلك fresh . بالاضافة لبوفيه للمشروبات (مياه أو غازية او عصائر عادية أو مشروبات ساخنة بجميع انواعها : شاى - نيسكافيه - موكا - كابتشينو - لاتيه - هوت تشوكليت - اكسبريسو - ...). البحر هناك عبارة عن : مسافة لجوة بعمق قليل ويبتدى يزيد العمق بعد مشى فى المياه لمدة 5 دقايق تقريبا ويُفَضل ارتداء حذاء للبحر لأن الرمل مش ناعم دايما. وكمان فيه لسان للى بيحب يعمل سنوركلينج. كل ده فى الفندق الثانى اللى كنا بنقضى فيه فترة الظهر من 11 لغاية 4 او 5 مساء. بالنسبة بقى للفندق نفسه : الفندق مقفول من فترة وكان اسمه سوليمار شاركس باى واتفتح اول يوليو 2021 باسم جاز شاركس باى. الحقيقة اللى شدنى للمكان ده اسمه لأنه تابع لادارة فنادق جاز مع سعره اللى باعتبره للسلسلة دى رخيص جدا. وعدم وجود ريفيوهات ليه حديثة على بوكينج او تريب ادفايزور وفهمت فى الاخر انه لسة فاتح بعد فترة غلق طويلة.

المكان عبارة عن حمام سباحة واحد كبير ومقسم لمجموعة اجزاء بأعماق مختلفة وفيه جزء جاكوزى والغرف عبارة عن مجموعة مبانى 3 ادوار حول حمام السباحة وكل الغرف بتبص على حمام السباحة وتفرق ان الغرف اللى فى منسوب الحمام (الغرف الاستاندارد) أصغر شوية من الغرف العلوية (الغرف السوبريور). الفندق بالكامل اعتقد حوالى 130 غرفة تقريبا - اللى كان ساكن منهم أعتقد فى حدود من 15 ل 20 غرفة فقط. كلهم مصريين تقريبا وبصراحة كلهم مستويات جميلة ومحترمة جدا.

أهم حاجة مميزة فى المكان ده طقم الخدمة فى كافة الأقسام بلا استثناء وبطريقة ملفتة للنظر جدا وتناغم عملهم معا فى منتهى الجمال ، ولهم هدف واحد واضح جدا وهو محاولة اضفاء السعادة على اجازة الضيف بكل الطرق الممكنة وفى بعض الاوقات يغير أنظمته من أجل راحة العميل مع استمراره فى الحفاظ على الانضباط والنظام داخل المكان.

بصراحة مدير الفندق مستر محمود وكمان مدير الرسيبشن كلهم شخصيات تفوق الوصف فى ادارة عملهم بشكل ممتاز والترحيب الدائم بالنزلاء وسؤالهم الدائم عن أى ملاحظات لديهم.

كمان طقم المطعم كل اللى فيه شخصيات جميلة وبشوشة وخدمتهم رائعة وأذكر منهم بالأخص ا.جمال : حقيقى مجهودك وابتسامتك وترحيبك الدائم مميز جدا وبرضه كل المجموعة نفسى أذكرهم واحد واحد لكن للأسف ملحقتش أحفظ أسامى.

أى ملحوظة عندك لو قلتها لأى حد هتتعمل من القسم المختص فورا.
و أى ملحوظة حضرتك لو ما قلتهاش وهم لاحظوها بتتعمل فورا برضه (مثلا احنا اول ما وصلنا ويدوب بنسلم البطاقة علشان ياخدوا صورة لقينا حد من المطعم جالنا فى الاستقبال يدعونا للاكل فى المطعم مع ان احنا كنا واصلين بدرى والاصول مالناش فطار فى اول يوم).

ومجرد ما خلصنا أكل لقينا الغرف جاهزة وكنا حاجزين غرفة استاندرد اتعملها أبجراد من غير ما نطلب برده ومن غير ما يبلغنا أو يحسسنا انه عمل فضل من عنده بل بالعكس بعد ما استلمنا اتصل يسأل هل لنا أى ملاحظات على الغرفة.

مستوى نظافة الغرف او حمام السباحة أو الاستقبال او المطعم كلها مستوى عالى جدا من النظافة.

الغرفة فيها كذا نوع من المخدات تستخدم اللى يريحك وبيتحط فى الحمام عبوات الشامبوهات الصغيرة وبيتحط للغرفة زجاجة مياه كبيرة يوميا - ما فيش كاتل فى الغرفة لكن ماكينة المشروبات الساخنة متاحة دايما على البيسين فى اول مستوى تحت وكمان فى المستوى الثانى اللى فيه المطعم والاستقبال والبار الرئيسى وكمان فى المستوى الثالث فى البار والتراس اللى بيتعمل فيه الحفلات بالليل (كان يوم فقرات ساحر ويوم تانى كان رقص شرقى وتنورة). وفعلا كده ما شعرناش باحتياج للكاتل داخل الغرفة لأن الماكينة جاهزة برة الغرف فى ال ٣ أدوار لغاية ١٢ ليلا. فيما عدا البار بتاع حمام السباحة اللى فى المستوى اللى تحت بيقفل مع الغروب.

المكان ما فيهوش أكوا ، والأنيميشن نشاطه تقريبا يقتصر على تجهيز الحفلة المسائية او بصراحة احنا فترة الصبح كانت دايما على البحر. والأنيميشن بتاع الفندق الآخر (ال ٥ نجوم)عندهم برامج طول الفترة اللى بنقضيها هناك وكانوا بيدعونا دايما للاشتراك معاهم وما فيش أى تمييز فى المعاملة بين نزلاء الفندقين. غير طبعا المطاعم خاصة بكل فندق فيما عدا مطعم الاسناكس خاص بالفندقين.

المكان : من وجهة نظرى رائع للى عايز يقضى أجازة هادية فى مكان شيك ونضيف مع وجود خدمة رائعة وبحر معقول.
مناسب أكتر لحديثى الزواج اللى بيحبوا يسافروا كتير فى بداية زواجهم وبيدوروا على أماكن شيك وهادية وبسعر مناسب.
ومناسب كمان للازواج والكبار اللى ما بيفرقش معاهم موضوع الأكوا أو النشاط الضخم للأنيميشن تيم (وان كان ده برضه متاح فى فترة الظهيرة فى الفندق الآخر).

الأكل كعدد أصناف مناسب جدا للفئة السعرية للمكان ولكن الطعم جميل فى كل الأصناف المقدمة (وخصوصا فى العشاء مع التجديد المستمر يوميا فى الانواع).

أكيد ممكن يكون قلة العدد الموجود لها تأثير ضخم على جمال الخدمة المقدمة ، ولكن الروح الجميلة اللى عندهم أعتقد هيقدروا يتعاملوا أيضا لو زاد عدد الضيوف.

حقيقى من الاماكن اللى استمتعت فيها كتير واللى حسيت فيه إزاى ممكن تتحل المعادلة الصعبة قيمة مال قليلة ولكن يقابلها مستوى خدمة ونظافة عالية جدا.

Snacks at jaz Belvedere:
توجد ملحوظة واحدة على موظف اسمه هانى فى مطعم الاسناكس الخاص بفندق بيلفيدير - كنت أتمنى أن يعرف جيدا مدى صحة أى معلومة ويتأكد من صحتها حيث أخبرنا أنا وزوجتى عند ذهابنا لمطعم الاسناكس بأنه غير مسموح لنزلاء فندق جاز شاركس باى باستخدام المطعم وانه رجع الى مديره وأكد له هذه المعلومة وطلب منا أن نصعد الى الاستقبال لو كنا غير مقتنعين بما يقوله مما سبب لنا احراج وتركنا المطعم وصعدنا الى الاستقبال ، ولكن موظفى الاستقبال فوجئوا بما نحكيه وقدموا اعتذار كبير عن هذا الموقف وتكرر هذا الاعتذار من مدير الفندقين. وللأسف الشديد عندما عدنا للمطعم مرة أخرى قام بأخذ الطلبات منا ولم يكلف نفسه بتقديم اعتذار عما سببه من احراج لنا. ولكن ما قدمه مدير الفندق ومدير الاستقبال من اعتذار فعلا يفوق الوصف وأنا ممتن لهم فعلا بحسن وجمال ادارة هذا المكان.

Also another issue about beverages and drinks.
It is issued in their fact sheet that drinks includes local bear but when we order they told that it cost us 85 le and not included in reservation with BOOKING ???المزيد