اول مرة لينا في حدائق السلطان كنت انا وصديقتي في الفترة من (6/9 الي 9/9 )غرفه رقم (478 )

وبصراحه انا نزلت فنادق كتير في شرم الشيخ وفعلا الفندق من احلي وأجمل الفنادق اللي نزلت فيها وأحب أفيد ب رأيي الشخصي كل شخص عايز يزور حدائق السلطان ...

مبدئيا وقبل ما أتكلم عن اَي حد احب اشكر جدا جدا محمد شريف Ass.front office manager
علي كل الي عمله عشان راحتنا في الإجازة من اول لحظه لينا فالفندق وشياكته في التعامل مع جميع النزلاء مش احنا بس وسرعة استجابته لأي طلب بكل تهذيب واحترام

المطعم … بصراحه انا شخصيآ اول حاجه بتهمني قبل الأكل هي النظافه ،
وبصراحة المطعم نظيف ومنظم جدا ومهما كان عدد النزلاء ما فيش ربكه ولا زحمه مزعجة ،، الأكل فعلا متنوع بمعني الكلمة يعني استحاله حد ما يلاقيش اللي بيفضله في الأكل لان الاختيارات كتيره جدا والطعم يجنن .
وبجد بشكر كل الناس اللي كانت فالمطعم وبالأخص الشيف ( غياث - أبو انس ) قد ايه مهتم بجد وأد ايه إنسان حابب شغله وده باين من اهتمامه بمتابعة كل النزلاء ، وبيتدخل لشرح مكونات الطعم والمشاركة في الاختيارات من
البوفيه ، حقيقي إنسان يعتبر إضافه للفندق .

بشكر محمد عبد الرحمن ومحمد حسن علي البيسين علي الاحترام والمساعدة
فريق الانيمشن كله عامل جو ممتع طول اليوم .
بشكر الشباب كلهم في جميع البارات في الفندق
الغرف نظيفه جدا وأثاث الفندق جديد

اتعشينه يوم في المطعم الهندي house of spices بشكر جدا محمد مدير المطعم والأكل الهندي تحفه ، كل حاجه كانت مختلفه وبالنسبه لأي حد بيحب الاكل الهندي يبقي لازم يجرب المطعم ده لانه هيتبسط

الفندق رائع والفيو وهمي والشعب المرجانية تجنن والشاطئ مش ساندي ولكن ممتع وكبير ونظيف
شكرا جدا حدائق السلطان علي احلي اجازة قضيناها واتمنالكم نجاح طول السنين الجايه …
انا حبيتكم 💝

الأستقبال أكثر من رائع
الغرف نظيفة جداً
الفندق نظيف جداً
معاملة الاستاف راقي
الأكل البوفية جميل جدا
منظر الفندق رائع
النشاطات الرائع
الزيارة جميلة
الفريق الترفيهي متميز للغايه
يعطي روح للفندق وطاقه وحيويه
وينشط الجميع خصوصا البنت المصريه رودي
جميله جدا ومرحه ونشيطه