فندق كبير جدا من حيث المساحة وحمام السباحه الرئيسى حلو وله اطلاله رائعة على البحر الاحمر واكتشفت فى اخر يوم ان فى 2 حمام سباحه فى منطقه الجاردن والمفروض القائمين على الفندق يوضحوا للنزيل جميع الامكانيات والاماكن المتوفرة. غير مناسب تماما لكبار السن وذوى الاحتياجات الخاصة . الاكل كتير جدا ومتنوع وفى كل مكان ولكن الجودة متوسطة اقترح تقليل الاصناف والاهتمام بالجودة مع شكرى للشيف الروسى المسئول عن المطعم الرئيسى. بشكر حسن المنقذ فى حمام السباحه فى الالعاب المائية شاب محترم وجدع. البحر سىء جدا ولا تستطيع النزول لانه صخرى وكمان الاسنوركلينج بفلوس يعنى اللى حابب يستمتع بالاسماك الملونة والشعب المرجانية ينسى انها فرى ولازم تدفع. الفندق بجانب سوهو سكوير وكمان بيوفر باص مجانى بالحجز لخليج نعمة الساعه 8ونص مساءا .

مبانى الفندق جديدة وشيك ولكن يجب التنقل لمسافات طويلة لإستخدام مرافق الفندق كما أن تصميم اللاند سكيب يجبرك على السير فى مسارات متعرجة مما يجبرك على السير مسافات أطول وهو غير مناسب للأطفال وكبار السن.
فريق الإستقبال هو الفريق الوحيد المتفاهم والمحترف فى الفندق باقى أفراد الخدمات غير متعاونين ومعندهمش ذوق فى التعامل.
الأكل كارثة (ماعدا المطعم الإيطالى) كميات أكل كثيرة ومتنوعة لكن للأسف بدون طعم وتسبب فى تعب لوالدى ووالدتى أما زوجتى وأبنى فقد أصيبوا بتعب شديد لدرجة أحتياجهم لحقن وعلاج مكثف بسبب الأكل.
كنت حاجز 6 أيام قضيت 3 فقط وغادرت الفنق لفندق آخر بجواره مباشرة كان أفضل كثيرا رغم قدم أثاثه ومنشائته.

اول مرة اكتب تقييم لاوتيل بس يستاهل الحقيقة ، انا قعدت تلات ايام ندمت ان كان فيهم رحلات خارجية وعرفتش استمتع بالاوتيل ،
الاوتيل موقعه حلو جدا خطوات من سوهو سكوير
البحر مش للسباحة بس السنوركلينج فيه يجنن
حمامات السباحة متنوعة ، العاملين متعاونيين ومحترمين ، الاكل مش واو بس مقبول ومتنوع ، شاتل باص بيروح خليج نعمة فرى ، انا شايفة انه من افضل الفنادق لاجازة متوسطة القيمة وخدمة جيدة جدا ،، طبعا في اعلي بس هيكون اغلي زى ريكسوس وسافوى ، بشكر الادارة الجيدة والمحترمة للاوتيل ، وان شاء الله زيارة قريبة للاستمتاع باجواء الاوتيل