انا بجد اتبسطت اوي في الفندق وبجد المكان تحفه من اول الاوضه اللي كنت زعلانه وانا بسببها وكانت كل حاجه فيها حلوه اويومن اول الاضاءه والسرير اللي مريح جدا والمخدات تحفه لدرجه اني كنت عايزه أخدها معايا وانا ماشيه لحد التويلت اللي كان نضيف جدا وكل حاجه مجهزه فيه والشاطئ كان حلو اوي ونضيف جدا وحمامات السباحه كانت بردوا نضيفه جدا وأحلي حاجه ان في كذا واحد علي حسب الطول ودي حاجه حلوه للأطفال وللناس اللي مبتعرفش تعوم زي مثلا وبجد الناس كلها في الفندق من اول الريسيبشن لحد الناس اللي بتنضف كلها بيعملو شغلهم حلو جدا ومتعونين جدا ومش بيفرقوا بين مصري وأجنبي ودي حاجه في حد ذاتها اتبسط بيها جدا وكمان الحفلات اللي كانت بتتعمل كل يوم كانت حلوه جدا وتخلي اَي حد ميحبش يخرج برا الفندق وكمان الاكل كان متنوع جدا كل يوم حاجات مختلفه وكلهم تحفه انا يشكرهم كمان علي انهم اهتموا بينا جدا احنا عرسان جداد احتفلو بينا اول وصولنا الاوضه بتورته حلوه اوي وفاكهه وأي حاجه كنّا بنطلبها كانوا بيعملوا ومش بس احنا كل الناس وفعلا كانت تجربه حلوه وفعلا لازم نيجي تاني وحابه اشكر اوي اوي احلي بنوته في الفندق وكانت دايما ابتسامتها موجوده بترحب بكل الناس اسمها توته مبسوطه اوي اني اتعرفت عليها وبجد مبسوطه اوي بالتجربة وكمان احلي دي جي اسمه ميدا فعلا شاطر اوي في شغله وبيعرف ازاي يخلي اَي حد يرقص حتي لو مبيعرفش وشكرا لكل الناس اللي بتتعب فعلا عشان تقدم احسن ماعندها

خدمات ممتازة فندق نظيف وتعامل كله رقي
الغرف مره نظيفه
موقع الفندق هايل و ممتع جدآ
و الاكل مره حلو و كل يوم في تنوع
و تيم الانميشن ممتاز شباب كلهم حيويه و روح يقومون بكثير من الاكتيفتي ف الصباح
و في المسا يعرضون العديد من العروض
استمتعنا جدا بالفندق و الاقامه به