بدابه من الدخول واكتر حاجه ضايقتنى وكان ممكن الغى الحجز بسببها هوه انى كنت قبل الحجز منبه عليهم انى هوصل الساعه 4 الفجر من سفر 17 ساعه وقالوا مافيش مشكله وهتيجى وترتاح على ما تجهز الاوضه وهتستلمها الساعه 6 الصبح انبسطت جدا من الكلام بس لما وصلت لقيتهم انكروا الكلام تماما وفضلنا فى الريسبشن لحد الساعه 11 على ما عطفوا علينا ودخلونا الغرفه ومرضيش يلبسنا اسوره الفندق بتاعه الوجبات قبل الساعه 1 يعنى فعلا اول مره انزل فى فندق ويعملوا كده الفطار بقى غير جيدا تماما هوهو هوه نفس الحاجات كل يوم مافيش تجديد ولا تنوع الغدا والعشا متنوعيين يوميا وفيه تجديد بس اغلب التركيز على اكل الاجانب يعنى لو لقبت صنفين تلاته للمصريين يبقى كويس اووى مطعم كافيه تشينو ممتاز جدا واكله اكتر من رائع والفندم بيقدم مزايا كتير فى السوهو النظافه فى الفندق عاليه جدا جدا وخصوصا الغرف بس اول مره فى حياتى اسوف فندق فيه زباب وناموس اه والله زى ما بقول كده طول ما انا قاعد عل البسين بهش الزباب وقطط كمان يعندى فندق 5 نجوم ويبقى فيه قطط وزباب وناموس ما تحصلش ابدا موظفين المطعم فى قمه الذوق والاحترام بالنسبه للسناكس مالوش اى لازمه غير جيدا تماما 0 من 10 المشروبات كويسه ومتوافره طول اليوم سواء فى القندق او السوهو سكوير بالنسبه ل المينى بار اى فندق بنزل فيه المينى بار بيبقى ميه وعصاير ومشروبات غازيه ده المينى بار فقير جدا زجاجه مياه معدنيه صغيره فى اليوم فقط بتقدم بخالص الشكر لللاستاذ سامح فى الاستقبال والاستاذ عماد فى مكتب حجز السيارات بالنسبه لتسجيل الخروج طلبت من الفندق اعمل شيك اوت الساعه 3 رفض بشده وقالى لاما تدفعوا 300 ج وتحتفظوا بالاسوره لاما تسلموا الاسوره وتقدعوا براحتهم اجراءت تعسفيه فى تسجيل الخروج والدخول ومافيش اى استثنائات يعنى افكر الف مره قبل ما اجرب التجربه دى تانى

الخدمات ممتازه و الهوتيل حلو و الشط جميل والخدمات فيه ممتازه
كل شي كان ممتاز وجميل الاسعار متوسطه وحلو للعرسان في شهر العسل الاكل متوسط
والنظافه 10/10 الاكل احسن مكان في fusion 21 اكل الهوتيل 5/10 و servıce 10//10
وخدمات العملاء كانو بشوشين ومعامله 10/10