عدت توا من رحلة اكثر من رائعة لهذا الفندق الجميل و الذي انصح به كل الناس من حيث النظافة وحسن الاستقبال والمعاملة الرائعة من كل العاملين بالفندق حقيقي فندق اكتر من رائع و اكيد حعيد التجربة تاني وتالت وحنصح بيه كل اهلي واصحابي واخص بالشكر السيد عماد في الاستقبال والذي كان متعاونا لاقصى درجة وايضا السيد كوراني مدير المطعم لحسن معاملته وذوقه والسيد احمد في هوليود كافيه بجد دول ناس قمة في الذوق والاخلاق والادب ونموذج مشرف لما يجب ان يكون عليه موظفي الفنادق

الفندق كمجمل حلو و استمتعنا بس كان فيه اكتر من حاجة خلتنا نتصدم اول ما رحنا :
الفندق ميستحقش الخمس نجوم للاسباب دي :
* اول ما رحنا الريسيبشن ضيق جدا و كان زحمة مش عارفين نقعد
* الحمام الي في الريسيبشن مفيش حد بيهتم بيه و كان مش نضيف
* الاكل : - كان معظم الاكل مش سخن
* مكنش فيه تنوع في الاكل خالص .. و بالذات في الحلويات كان عبارة عن كيك بالالوان مختلفة و بنفس الطعم
* الصينية الي بيكون جواها الاكل الي بنغرف منها كانت سخنة جددددا و اكتر من حد اتلسع من هناك بسببها
* النظافة كان سيئة جدددددا !!
* - لقيت اكتر من برص في المكان بس مجنش جوة الغرف
* - في البيسبن لقيت صرصار ميت جوة المية
* - الملاعق الي بناكل بيها معظمها مكنش نضيف و نفس الحكاية الكبايات الي بنشرب منها مكنتش نضيفة ابدا !
* - الحمام بتاع الاوضة اول ما دخلناه البانيو كان مش نضيف و كان فيه صرصار ماشي جواه
* الاثاث في الفندق قديم جدددددا و ابدا لا يليق بفنق ٥ نجوم !!!
* الجاكوزي مكنش شغال !
* باب الغرفة كان بمفتاح و من خشب و قديم جدا و كان بيطلع صوت لما بنفتحو

الايجابيات :
* فريق العمل مويسين جدا و بشوشين و دايما بيهزرو معانا و طيبين و عايزين يساعدونا
* عايزة اشكر ال life guard of the snorkeling اسمو محمد عشان قعد معايا اكتر من ٣ ساعات بيعملني ازاي اسبح ى فعلا اتعلمت و انا منزلة صورتو.
* فريق الانيميشن كان حلو و مسلي بس المشكلة ان كل يوم نفس الرقصات على نفس الاغاني
* يوم ٢ اكوا بارك و حلويين
* الشيف الي بيقدملك الاكل بيحاول انو يحطلك و يسألك عايز تاني ؟ و بكل سرور
* فيه kids area and gym
* كان فيه عروض رقص على اليحر الصبح و كانت مسلية جدا بصراحة

هذه ليست زيارتى الاولى .. ولن تكون الاخيرة لأيلند فيو ...المكان اكثر من رائع .. يطل على خليج القرش .وعلى سوهو سكوير ..العاملين فى منتهى الذوق و التعاون وحل اى مشكله ان وجدت فى وقت قياسى ..البيتش نظيف و منظم .. حمامات السباحه نظيفه .. الكافيه و المسرح يقدمون عروضا يوميه رائعه ..المكان نظيف و منظم ومريح جدا .. المطاعم نظيفه و مرتبه لكن ينقصها التنوع فى الطعام على عكس ما كان موجود العام الماضى . العام الماضى كان الشيف ممتاز جدا لكن واضح انه اتغير هذا العام .. . المطعم الايطالى رائع و انصح الجميع بزيارته وكذا مطعم فاطيما الذى يقدم مشويات يوميا على شاطىء البحر.اما مطعم براكودا للأسماك فلا انصح به على الاطلاق .. ما عوض لنا فرق المستوى فى الطعام الا وجود شخصيه مهذبه جدا و متعاونه ونشيطه هو مستر احمد عبده مدير الاغذيه و المشروبات الذى كان يحل لنا اى مشكله تقابلنا دون سابق معرفه به .كنت اجده فى جميع الاماكن بالمنتجع يشرف على كل شىء ..و ايضا مستر امير و هشام .ناس فى منتهى الذوق و التفانى فى عملهم ,,ايضا بار الشاطىء الذى يقدم المشروبات نهارا به شخص بشوش و خدوم جدا هو محمد نور... الاثاث جيد و لكن يحتاج مزيدا من الصيانه حتى يعود الفندق كما كان فى العام الماضى . التجربه تستحق التكرار رغم السلبيات التى اتمنى ان تحل بسرعه وخصوصا لان العاملين بالفندق كلهم من ذوى الخبرات الكبيرة فى هذا المجال .