فندق رائع والخدمه به ممتازه و توفر فيه وسائل الراحه والاكل وخدمه المطاعم جيده جدا و خدمه البرات ايضا شئ رائع و خدمه الغرف شئ جيد و يوجد فريق الانميشن مرحين كل يوم لهم برامج مختلفه في الصباح واليل والتمارين الصباحيه علي الشاطئ مع زيزو و حسام وفي اليل حفلات الاطفال والفقرات مختلفه فعلا نشكرهم علي الوقت الممتع والجميل ،
ذهبت الى فندق سان جورج فى إجازة لمدة أربع ليال،إجمالا الفندق لطيف جدا يمتلك حمامى سباحة ولا أروع كان معظم النزلاء ايطاليين اضفوا جوا من البهجة والسرور فى الفندق وقاموا بما لم يقم به فريق الانيميشن الضعيف،الاسطف جميعهم مهذبين ولطفاء والغرفة جميلة ونظيفة ولكن يجب تغيير التليفزيون إلى شاشة ،التكييف كان لا يعمل كما ينبغى واحتجت لابلاغ الريسبشن ثلاث مرات حتى ياتى مسئول الصيانة والذى فشل فى اصلاحة،ولكنى تغاضيت عن موضوع التكييف نظرا لشعورى بالراحة فى الفندق وكذلك نظرا لذوق مستر مايكل فى الرسيبشن وأدبه الزائد شاطئ الفندق الرملى رائع والغداء على الشاطئ ولا أروع مع منظر البحر الخلاب ،إجمالا تجربة تستحق التكرار ولكن فى غرفة غير الغرفة 2042 حتى يتم إصلاح التكييف.
المكان ممتاز الاستاد مايكل محترم وجميع العاملين ...حجزت من على بوكينج فى اواخر شهر مايو
خدمة وطعام ممتاز مع وجود اتوبيس خاص للفندق للدهاب لرحلات فى داخل شرم والى الشاطى
البيسين نظيف جدا مع وجود نظافة فائقة ...
تقيمي للفندق هيكون فى شكل نقاط
1- موقع الفندق يعتبر فى موقع متوسط فهو فى منتصف منطقة الهضبة موقع قريب من السوق القديم الف ليله وليله الميركاتو خليج نعمة سهل انك توصل للفندق
2-الفندق فيه ميزه هايله للناس ال بتسافر بعربيتها وهى ان الباركينج بتاعه فيه مظلة للسيارات
3- تسجيل الدخول والتسكين سريع جدا
4-الفندق صغير وده ميزة للناس ال زى حالاتى عندهم اطفال عشان اطفالك دائما هيكونوا تحت نظرك كمان مش هاتتعب كتير حمام السباحة قريب جدا من اغلب الغرف والمطعم قريب حتى الريسيبشن كمان قريب
5- على الرغم من حجم الفندق الصغير الا ان الغرف كبيره فعلاً الغرفة بها سرسر كبير وكنبه سرير منطقة جلوس سجادة فى الارض تكييف كويس جدا حمام نظييف جدا ويوجد سخان للشاى اماكن للشنط بلكونه حلوة
6- المطعم والاكل فعلا الاكل بيتعمل حلو اوى بمعنى بيطبخوا كويس جدا الاكل دائما طازة سخن طعم حلو مش متنوع اوى بس فوق المرضى الشيفات والناس الى فى مطعم الفندق ذوق جدا ومحترمين جدا اكيد هتلاقى حاجة تعجبك فى الاكل بوفيه الافطار تمام جدا المطعم وادوات الاكل نظيفة جدا سرعة الاستجابة لطلباتك داخل المطعم عالية
7- حمام السباحة والقرية بشكل عام نظيفة جدا
8- المشروبات الغازية بحكم انها ماشين دائما باردة وطازة على عكس الاماكن التى تقدم المشاريب الغازية من زجاجات كبيره
9-الشاطى خارج الفندق بس مش بعيد عنه شاطى رملى ويوجد اخر صخرى الرملى حلو جدا نظيف به خدمة تقديم الفوط به مطعم عشان لو حابب تاكل على الشاطئ بس الاكل فى مطعم الشاطئ مش متنوع والخدمة مش حلوة وبوفية لاحلويات ضعيف جدا فى الشاطى كمان الشاطى فى بار لتقديم المشروبات ويوجد اتوبيس لنقل النزلاء من الفندق الى الشاطى بصفة دورية كمان لو معاك عربيتك ممكن تروح بيها الشاطئ
10- الانيميشن تيم مش موجود مفيش انيمشن تيم هى بنت واحدة مش عارف بتعمل ايه الانشطة الليليه داخل الفندق تقريبا حسب كثافة النزلاء عشانلاحظت ان اخر يوم ليا فى الفندق كان فى فوج والفندق زحم شويه راح الفندق نبه على ان النهاردة بالليل فى عرض مسرحى بس ده مش عيب بالنسبة ليا ده كان ميزة عشان الهدوء كمان ادانى فرصة ان اخرج بره الفندق واستمتع بشرم بشكل اكبر
11- اسعار المشروبات او الشيش مش غالية عادى زى اى كافية
12-الناس بتوع خدمة الغرف والامتعة كويسين جدا
13-تحفظ واحد الراجل الموجود على بار حمام السباحة ميرميدا دائما غير متواجد فى البار دائما موجود عند شمسية جست اجنبى كمان حاجه اخيرة راجل حمام السباحة بيعمل حركة غريبة كان بينزل حمام السباحة يعوم مع النزلاء مش عارف ليه؟؟؟؟؟؟؟؟؟؟؟ غير كده كله تمام
هاروح هناك تانى اكيد باذن الله
زيارتى المتكرره للفندق تؤكد على نظافه المكان واهتمام الفندق بالنزلاء وحسن استقبال العاملين .. فى كل زياره لابد ان الاحظ تغيير للافضل .. انصح بزياره المكان الذى يجمع بين الهدوء وحسن الضيافه والنظافه ... حمامات السباحه نظيفه ومتعدده .. الغرف العائليه نظيفه ومجهزه .. الحمامات نظيفه ... المطعم نظيف ونوعيه الاكل مقبوله جداا ..
