الشكر لجميع العاملين على حسن اسقبالهم و تعاملهم طوال فتره الاقامه
فريق انيميشن مبتكر
الغرف ممتازه و ذات اطلاله مميزه و خدمه الغرف جيده
الطعام مستوى متوسط
نظافة الفندق بشكل عام ممتازه
الشاطئين الرملي والصخري مستواهم جيد جدا بالرغم من بعد الشاطئين عن الفندق و لكن مواعيد الذهاب و العودة من الشواطىء تستلزم اخذ وجبة الغذاء فى الشاطىء و الاكل اقل من المتوسط بمطعم الشاطىء
الفندق يوفر باص مجاني يوميا الي سوهو سكوير و خليج نعمه بالتبادل مع السوق القديم

بصراحه يا جماعه الفندق ده محترم جدا على مستوى كل شئ سواء الاكل في المطاعم اللي على اعلى مستوى والخدمه فيه ممتازه جدا ..و الأنيمشين في المكان ده ممتازين جدا والغرف حاجه محترمه جدا ونضيفه اوي بصراحه كانت تجربه جميله

انا حاليا في الفندق ده بصراحة حاجة محترمة جدا والتعامل في منتهي الرقي سعره مش غالي مقارنة بباقي الفنادق الاخري اللي معظمها اسم ع الفاضي.
واهم حاجتين بالنسبالي وبالنسبة لاي حد ( النظافة والاكل ) علي مستوي عالي جدا لدرجة اني مديت الفترة بتاعتي هنا ولو انت بقي ݘيماوي زي حالاتي يبقي ياسعدك ياهناك البروتين كله هيستناك 😄.
الجميل بقي انهم بيعملو اكل مصري تحفة ملوخية وكشري ومسقعة كإن امك ولا خالتك اللي عاملاهم. 😋😋
مفيش فرق ف التعامل بين مصري واجنبي (الا ف العملة) في اتوبيسات خاصة بالفندق بتوديك البحر والسوق القديم وشواطئ رملية وصخرية في انشطة ترفيهية داخل الفندق نفسه وشو للاطفال .
بيهتمو بالناس وموفرين الامان كويس انت لما بتطلع رحلة حتي خارج الفندق بيسجلو بياناتك وياخدو رقم العربية اللي هتتحرك بيك قبل ماتخرج من الفندق.
ال room service زي الفل وسرعة الاستجابة والخدمة متتوصفش.
ال staff كله محترمين مفيش نظرات خبيثة لا علي اجانب ولا مصريين.
حبيت المكان ومرتاح فيه ولو عندي وقت اطول اكيد مش هرجع.
شكرا ليكم ❤️