رحلة رائعة و استرخاااء ممتع للاسرة كلها
سان جورج تاني مرة انزل فية لكن كل مرة بمشي وانا ببقي مش عايز امشي وببقي متأكد اني هرجعلة تاني و دا لأسباب كتيرة.. مش عارف ابدا بأية بس ممكن نبدأ من الاول.
اول موصلت عملت تسجيل وصول مع استاذ برسوم من الريسيبشن حد محترم جدا و رحب بينا بحفاوة و خلص معايا إجراءات تسجيل الوصول طلبت منة طلب خاص لظروف معينة خاصة و قالي مش في مقدرتي دا مع مستر مايكل و بيجي الساعة 10 ص و انا كنت وصلت بدري شوية حوالي 8.30 بصراحة اول ممستر مايكل وصل و عرف الظروف لبي طلبي بدون تأخير لا و الاكتر انة استعجل الروم سيرفس علي تظبيط الغرفة و كمان سكنونا بدري رغم ان ال شيك ان بيبقي الساعة 2 م دا الرسمي و اوقات بتبقي قبل كدا بس مش كتير ممكن علي 12 حد أقصي فبجد دا كان أول موقف مريح حصل وقت وصولي.. ثاني موقف اكتشفت ان في مشكلة في الحجز لاني حاجز اونلاين مستر مايكل مشكورا طلب من مستر باسم مدير الريسيبشن حل للمشكلة واللي بجد بقي معايا و كان كل همة اني مبقاش مضايق لدرجة انة قالي متشغليش بالك روح الغرفة و استمتع بوقتك وانا معاك لحد الساعة 5 م فعلا رحت الغرفة و رجعتلة بعد ساعتين قعد معايا و اتناقشنا في المشكلة و اقترح عدة حلول و اخدت بنصيحتة و اتكلمت مع موقع الحجز و انا كعبلت الدنيا في شوية حاجات في الحجز كدا و هو سمعني كويس و فنطنا الدنيا سوا و هو ظبطها بالطريقة اللي تناسب في شغلة بدون مايجي عليا في شئ.
نيجي للمطعم.. المطعم فية مشكلة واحدة من وجهة نظري لو الفندق تخطاها هيبقي كل شئ هايل و هو النقص العددي في العمالة صحيح مش بقدر كبير بس في نقص و دا مكعبل الدنيا شوية و اعتقد دا اللي مخلي مفيش تنوع كبير و اختلاف الاكل يوم بعد يوم حسيت ان كل يوم شبه التاني الحاجة الوحيدة اللي كانت مختلفة هي الكابوريا المشوية، بس الاكل الموجود كان رائع و مذاقة ممتاذ و السلطات تحفة و انا بشكر الشيف *محمد صلاح* شيف السلطات علي التنوع و الجودة و المذاق الرائع دا غير الابتسامة و الترحيب و خفة الدم اللي بيقابل بيهم الضيوف ومقدرش انسي الشيف *عماد* بابتسامة الجميلة و اهتمامة بينا.
اما عن الويترز و البار مان فاحب اشكر ايمن و فؤاد علي البار في ساندي بيتش كانت كوتيلاتهم تحفة و بنتي حبت كوتيلاتهم جدا و في المطعم شنودة و مينا رأفت زوق جدا و بمجرد متطلب حاجة تتلبي فورا و علي لي بلو بار ابانوب مميز في ال كوكتيلات جدا.
اما عن الانميشن تيم فهم مجتهدين جدا و بيحاولوا يبسطوا الجيست بكل الطرق و عروضهم منظمة جدا و متنوعة بشكل مستمر، افضلهم كان مستر *اسلام* و *لآلآ* حقيقي ممتاذين جدا في شغلهم و مبيفرقوش بين اجنبي و مصري لان في بعض العاملين كانوا بيعملوا الجيست الأجنبي افضل من المصري بس انا بطلت اتعامل معاهم لما حسيت بكدا احب اقول ان الفندق رائع و لو حبيت تاخد اجازة بجد تعمل فيها ريلاكسيشن يبقي مش هتلاقي افضل من سان جورج.
اما عن النظافة فهي رائعة جدا ولكن في حبة ناموس بيطلعوا بليل مبيخلوش الواحد عارف يسهر برة الغرفة و اعتقد ان دا بسبب المساحات الخضراء اللي في كل حتة ولكن يجب علي الفندق إيجاد حل لها.

كانت رحلة رائعه وممتعة وكان فريق الانيميش رائع والاكل نظيف و متنوع وجميل والترحاب رائع من طاقم العمل والنظافة رائعه وجو عائلى جميل ويصلح للعائلات ويوجد حفلات رائعة كل ليلة تجعل من المستحيل مغادرة الفندق وشاطئ جميل التابع للفندق

شىء سيء جدا
الاكل
بوفيه الإفطار هو نفس الأصناف بلا تجديد لمده اسبوع
بوفيه العشاء ليس علي المستوي المطلوب حيث توجد أصناف لم يكتمل طهيها مثل الفراخ المشويه تحتوي علي دماء داخلها
الكبده المشويه لم يكتمل طهيها
العصائر كلها فروتي بودره ولا توجد عصائر فريش الا عصير برتقال سعر الكوب ٣٥ جنيه
مدير المطعم مستر هشام راجل حاد الطباع ومعاملته سيئه جدا جدا
ناهيكم عن رائحه الصرف الصحي المنتشره في المكان كله
فريق الترفيه
Entertainment team
بياخدوا الموبايلات من الناس ف اللوبي وبيدخلوا يعملوا تقييم للفندق علشان كده كل التقييمات ايجابيه

نصيحه لو عايز تستمتع بالاجازه بلاش الفندق ده ودي اخر زياره ليا هناك
من الاخر ياجماعه الرخيص مغيص والعالي تمنه فيه