لازم أكتب ريفيو عن اوتيل " جاردينيا بلازا شرم الشيخ " بسوهو سكوير وأوجه لهم التحية وحقيقي اللي شفناه من بداية دخولنا وحتي واحنا مروحين حاجة مشرفة للسياحة المصرية رغم أنه من فئة الأربع نجوم لكن خدماته مستوي الخمس نجوم بداية من مشروب الاستقبال والتسكين واحترام العملاء وتم اختيار غرفة لنا علي البسين مباشرة احتراما ومراعاة لسننا علشان مايحصلش لنا اجهاد وتعب من التحرك البعيد داخل الأوتيل لحد المطعم ... ومستر كريم وفريق الانيميشن الرائع ... أما استاف المطعم دول حكاية تانية .. الشيفات متميزين حقيقي ... الأكل متنوع صحيح مش أصناف كتير لكن طعمه حلو وطازة ... والشباب اللي بيتابعوا دول حاجة تانية في الذوق والشياكة ودايما بيسألونا عاوزين ايه ولو احتجنا حاجة مابيتأخروش وخاصة الشاب " اسلام " انسان خلوق والله وصلنا لحد الباص في أخر يوم ... حاجات كتير اسعدتنا في الاوتيل الجميل ده ... وبإذن الله اقامتنا الجاية في شرم الشيخ معاكم ...

أفضل خدمة بالنسبة لنظافة الغرف يوميا
وأحسن طعام
احب اشكر قسم التغذية والمشروبات خاصة واخص بالذكر استاذ اسلام محمد
وأيضا استاذ تامر لما قدموه من أفضل أنواع الاوبن بوفيه بخلاف المعاملة المحترمة والتقدير

بجد مبسوطة اوي بالمكان
الناس هنا لطيفة جدا و محترمين في التعامل و ذوق
سواء البارات او الريسبشن او المطعم كلهم هنا ما شاء الله عليهم محترمين
الغرف بتاعتنا حلوة جدا و دايما الهاوس بينضفها
الاكل نضيف و المطعم موجود فيه سينيتايزر و الاستاف لابس ماسكات
فريق الانيميشن من الطف الحاجات الموجودة هنا ناس حلوة اوي بجد
و لذاذ دايما بيعملوا معانا رياضة الصبح و بالليل بنرقص مع بعض و الاطفال بيرقصوا كمان و عروض مختلفه كل يوم
ف بجد تسلموا ع الوقت اللطيف اوي دا ♥️♥️♥️♥️♥️