للاسف كنت مبسوط من الفندق و بعد يومين حصل سرقه . بلغت بمشكله فى التكييف و خرجت من الغرفه و بعد ربع ساعه رجعت عشان افتكرت ان انا ناسى فلوس على السرير رجعت لقيت الفنى جوه الغرفه مع انى مش سايب ورقه على الباب تقوله انه يدخل وبعد كده وهو واقف على الباب جريت بسرعه بشوف الفلوس لقيتها ناقصه ١٠٠ جنيه جريت على الريسيبشن بسرعه ابلغ طبعا وبعد تكديره عدت الساعه و جالى شرطه السياحه حاولو يطبخو الموضوع اللى هو بقى مش عاوزين نضيع مستقبل الراجل و هيسحلونى انا شخصيا و محضر و النيابه الصبح ف لقيت الموضوع هيدخل فى وساخه و انا اصلا جاى عشان شهر عسل و فى الاخر ماطلعتش بنتيجه و الناس بتوعهم ماسرقوش حاجه . فندق زبااااله الزباله

اولا من البدايه والدخوال للفندق الانطباع الاول اتصدمت من الحر والتكيف في الرسبشن معا الزحمه يعتبر مش موجود بيبان ان في تكيف في الرسبشن بليل فا ضعيف جدا الممرات حتي وصول للغرفه محتاجه نظافه والفندق بشكل عام محتاج تجديد واهتمام بلنسبه للاماكن في معظم اركان الفندق والموظفين محتاجيين تدريب للتعامل معا الجست انا متفاهم طبعآ بأن العامليين بيشتغلو عدد سعات كثيره جدآ وفي زحمه الصيف والافواج وطلبات المصريين الي ما بتخلص انا مصري ولكن المصريين متعبين وعوزين يرتقو شويه ولكن الفندق محتاج اداره وعمال اكثر ونظافه للاسف اكثر الاشياء ازعاجآ نظافه ينيفورم الموظفيين لبسين ابيض لكن متسخ جدآ لا يليق ابدآ موظفيين الاستقبال الي حد ما افضل والبل كابتن الي حد ما كويسين الهوس كيبنج في عيب واحد المفروض ادخل الغرفه لا ينقصني شئ مثل الفوط مكنش فيه لحد بعد التسكين بحوالي ساعه طرق الباب موظف هوس كيبنج لابلغي ازا كنت محتاج فوط معئن المفروض اجي القيها اصلا في الغرفه طبعآ كل ده عشان التبس حقك انك تزود دخلك وانا متفاهم الظروف واكيد المرتبات ضعيفه لكن لا يصح الا الصحيح اما بلنسبه للغرف بشكل عام فا التكيف ممتاز جدآ حديث والاثاث الغرفه جيد ما عدا المرتبه نشفه عوزه تغيير التلفزيون مكنش شغال ولمه بلغت رد الموظف جاري الاصلاح ومتصلحش مش مشكله اوي ولاكن برضو عيب بلنسبا للوجبات البوفيه في اكل كتير ومتنوع ولاكن الاكل للاسف سيئ لكن مقابل المال جيد يعني علي قد الفلوس الناس في الفندق والموظفيين بيحولو يسعدو الزوار الي حد ما ولكن مافيش في اديهم امكانيات الفندق مهمل من نحيه الاداره والتجديدات تماما . للاسف من اكتر الاشياء السيئه هيه الروايح الكريها في الفندق بلنسبا لمعظم اركان الفندق والممرات والحمامات اللوبي وحمام الخاص بحمام السباحه الجربش المفروض الجست ما يشفهوش قدمنا كده عادي حتي لو قدام الجست المفروض ميبقاش لي ريحا وازاي ما فيش علي الاقل ازازه مياه في الغرفه يومين علي الاقل .... من الاخر الفندق محتاج لاهتمام وتجديد انا اديت الفندق ٣ نجوم . عشان بس ما يكتبش سئ ارجو من الاداره الاهتمام لان في اجانب كتير في الفندق عشان يرجعو مصر تاني لان للاسف لو الوضع فضل كده اكيد هتخسرو وتخسرونا سياح كتير اسف ولكن دي الحقيقه بدون كذب ولا زياده او افترا .