ذهبت الى افندق يوم 11/9/2020 وعند الوصول كانت اول صدمة الريسيبشن غير مكيف تماما وعند قدومك فى الجو الحار تحتاج الى راحه ولاكن الوضع كان على العكس ذهبت الى الريسيبشن الاستاذ امير (برود السنين) تحس ان هو مش طايق نفسة , بكلمه على الحجز والورق الى معايا مش عاوز يتكلم ويقولى طيب استنى هنده عليك وفضلنا على الوضع ده ساعتين فى ريسيبشان ناررررر فعلا وبعد ما جه الفرج واتكلمت معاه وجه واحد صور البطايق وشهادات الميلاد جة واحد يدخلنا الغرفه هو مشى وانا ماشى وراة بالشنط وكان بيجرى قدام محولش ياخد منى شنطة واحده وصلنا عند باب الاوضه وقالى سيب الشنط ادخلهملك قال يعنى مش هعرف اعديهم من باب الاوضه , ريحنا وروحنا البسين الاكوا بارك محدوده جدا مبتشتغلش ساعه على بعضها كل شوية يفصلوها وحالتها بقت تعبانه محتاجه صيانه كتير جينا نروح البحر البسو كمامه عشان كورونا جبنا من الريسيبشن كمامات وركبنا نروح شاطىء صغير جدا وفى كذا فندق بيستخدمه وهو اصلا ميكفيش اتوبيس واحد من الى بيطلع من الفندق بتاعنا دور على مكان تقعد بقى ملقتش افضل واقف جينا رجعين من البحر ولا واحد لابس كمامه خالص كان كورونا ضاعت فى البحر او اتطهرنا منها خلاص وصلنا الفندق ودخلنا المطعم بقى على العشاء الاكل كان محدود جدا غير متنوع وبيحطلك كميه قليلة ولو عاوز اقف فى الطابور تانى وكانت الكارثه الكبرى المشروبات و المايه كنت باكل ونفسى فى كوباية ماية عشان الاكل يتبلع وقفت فى طابور طويل على ما طلبت المايه كنت خلاص نسيت العطش والاكل وكل حاجة نص ساعه فى طابور على المشروبات ومن ضمنها المايه طيب لية مش سايبين المايه للى عاوز يملى كوبايته ليه طابور وانت الى تملالى كوباية بلاستيك صغيرة جدا خلصنا العشاء نخرج نلاقى اغانى شغاله على مسرح فاضى مفيش عليه حد طيب اقدم انا الفقرات بنفسى ولا اية
بعد ساعتين من الملل جه عرض التعبان والراجل بعد ما لاعب التعبان شوية بيقول الى عاوز يتصور يتفضل رحتلو انا والاولاد لقيته بيقولى 20 جنيه ,دخلنا الغرف ونمنا بعد يوم صعب طويل وصحينا تانى يوم نفس كل حاجة بتتكرر ملل رهيب فندق تحس الناس فى مش طايقه نفسها شغالين بالعفيه وخصوصا لو طلبت تانى على الاكل وانت ماسك الطبق بتاعك وكل دة عدى واهو كام يوم وخلاص ولاكن الكارثة الكبرى لا يوجد خدمه غرف ولا تنظيف ولا تغير ملايات ولا حد يشيل ذباله ولا صابون ولا شامبو ولا فوطة جديده طول فترة الاقامه ولمى سالت لقيتهم بيقولو دة النظام لمى تخلص اقامتك بنيجى نغير الملايات عشان النزيل الجديد طيب انا راجل قعدت 6 ايام مش 3 ايام زى اغلب الرحلات يبقى المفروض تغيرهملى فى نص المده حتى قالولى حاضر وطيب ومحدش جة يغير حاجة وبالفلوس يادوب الراجل اخد باسكت الذبالة وحطلى شوية شاور جيل فى الحمام ولحد اخر يوم محدش قرب من الملايات بعد هذه التجربة انصح الناس الى هتنزل فى الفندق دة لو فى مكان تانى بنفس الفلوس والمقارنه بينهم حاول تبعد عن شرم هوليداى كان جميل جدا على كلام ناس كتير هنا ولاكن واضح انهم بقو مهملين ومفيش اى اهتمام غير بالجيست الاجنبى فقط
