تجربتي في فندق اوتيوم امفورس 5 نجوم اولا واصلين الساعه 12 الضهر، وكل حاجه جاهزه مكانش فيه زحمه في الريسبشن خالص..قالوا الاوض مش جاهزه ممكن تنزلوا تتغدوا وتيجوا تستلموا الغرف اتغدينا وبعدين استلمنا الغرف كانت الساعة 2 اول حاجه ضايقتنا، المفروض الشخص اللي هيسلمنا الغرف يورينا مكانها فين...مشي معانا كام خطوه وبعدين وقف وشاورلنا من بعيد كده وقال شايفين اليافطه البيضاء دي اهي دي الشاليهات بتاعتكوا بس من ناحية البلكونه، لفوا بقي الناحيه التانيه وافتحوا الاوض وادخلوا مش عارفه ازاي يعني قولنا خلاص نعديها ونروح نرتاح م المشوار خصوصا معانا 5اطفال تاني حاجه استلمنا الاوضه اولا هي بمفتاح ودي اول مره اشوف اوتيل 5نجوم غرفه بمفتاح...فتحنا الاوض أقل ما يقال عنها زي الزفت شكلها مقرف والعفش قديم ومتهالك جدااا ومقشر والكومود ملزق، بنفتح التليفزيون مشوش في الغرفتين، الكاتيل بايظ في الغرفتين، التلاجه مش مسقعه كويس خالص،مفيش مكواه، ولو عايزه تعملي بيها اوردر وياخدوها بالليل!!!!؟ التكييف في اوضتنا ضعيف، الحمام فيه واحد منهم ع الحوض صدا والشاور كابين مقرفه وشكلها قذر بجد اتصلنا بيهم وبلغناهم أن الاوض زفت وعايزين نغيرها، قالوا يافندم هنبلغ الإدارة بس حاليا مفيش غرف وهنبعت حد يظبط الحاجات دي وحد يشيك علي نضافة الاوض ، قولتله انا عايزه اغيرها كلها الاوضه سيئه، وطبعا ولا حد عبرنا لآخر يوم ولا حتي اعتذار نزلت في فنادق ٥نجوم، و٤ نجوم اوض أقل ما يقال عنها رائعه بجد الإيجابيات اكل كويس بيسين واحد بس كويس اللي هو الاوليمبي، الباقي وحشين والأرض بتاعتهم صخر الاكوا ٣ لعبات لطاف الانيميشن كويس،...تجربتي في فندق اوتيوم امفورس 5 نجوم
اولا واصلين الساعه 12 الضهر، وكل حاجه جاهزه مكانش فيه زحمه في الريسبشن خالص..قالوا الاوض مش جاهزه ممكن تنزلوا تتغدوا وتيجوا تستلموا الغرف
اتغدينا وبعدين استلمنا الغرف كانت الساعة 2
اول حاجه ضايقتنا، المفروض الشخص اللي هيسلمنا الغرف يورينا مكانها فين...مشي معانا كام خطوه وبعدين وقف وشاورلنا من بعيد كده وقال شايفين اليافطه البيضاء دي اهي دي الشاليهات بتاعتكوا بس من ناحية البلكونه، لفوا بقي الناحيه التانيه وافتحوا الاوض وادخلوا مش عارفه ازاي يعني قولنا خلاص نعديها ونروح نرتاح م المشوار خصوصا معانا 5اطفال
تاني حاجه استلمنا الاوضه اولا هي بمفتاح ودي اول مره اشوف اوتيل 5نجوم غرفه بمفتاح...فتحنا الاوض أقل ما يقال عنها زي الزفت شكلها مقرف والعفش قديم ومتهالك جدااا ومقشر والكومود ملزق، بنفتح التليفزيون مشوش في الغرفتين، الكاتيل بايظ في الغرفتين، التلاجه مش مسقعه كويس خالص،مفيش مكواه، ولو عايزه تعملي بيها اوردر وياخدوها بالليل!!!!؟ التكييف في اوضتنا ضعيف، الحمام فيه واحد منهم ع الحوض صدا والشاور كابين مقرفه وشكلها قذر بجد
اتصلنا بيهم وبلغناهم أن الاوض زفت وعايزين نغيرها، قالوا يافندم هنبلغ الإدارة بس حاليا مفيش غرف وهنبعت حد يظبط الحاجات دي وحد يشيك علي نضافة الاوض ، قولتله انا عايزه اغيرها كلها الاوضه سيئه، وطبعا ولا حد عبرنا لآخر يوم ولا حتي اعتذار
نزلت في فنادق ٥نجوم، و٤ نجوم اوض أقل ما يقال عنها رائعه بجد
الإيجابيات اكل كويس
بيسين واحد بس كويس اللي هو الاوليمبي، الباقي وحشين والأرض بتاعتهم صخر
الاكوا ٣ لعبات لطاف
الانيميشن كويس، بس اغلب الكلام روسي وممكن يترجم كاك كلمه مصري وخلاص وانت بقي استشف هو بيقول إيه
اخر حاجه بقي حرفيا كرهت الفندق بسببها، المفروض أن هنعمل Check out 12 لمينا الشنط وروحنا الريسبشن وكنا هنستني للساعه 4 الشمس تهدي بس ونمشي لأننا مسافرين بالعربيه
انا عارفه أن مفيش غدا طبعا في اليوم ده ، ولان معايا 5 اطفال اصغرهم سنتين ونص واكبرهم 10سنين وحرفيا مش بياكلوا والله، ومفيش سناكس في الفندق كمان فا كانوا مقضينها مكرونه..... كان في الغدا اليوم ده بطاطس فارم بتتعمل بره المطعم، الولاد شافوها وكان نفسهم فيها ...دخلنا جبنالهم طبق وكاتشب..
لقينا اللي بيبلغنا الكاميرا مصوراكوا وانتوا داخلين تتغدوا وكل واحد يدفع 250 جنيه غدا قولنالهم إزاي يعني احنا متغدناش والله كل اللي جبناه طبق بطاطس للولاد، وراجع الكاميرات اللي صورتنا دي وشوف بالظبط احنا جبنا إيه!!
وقولتله بالنسبة للغرف اللي كنا عايزين نغيرها ومحدش عبرنا إيه يعني، ولا انتوا ده اللي واخدين بالكوا منه كويس اتكتم الحقيقه
ودفعنا فلوس طبق البطاطس 250جنيه
فندق معاملة الريسبشن قذره، ومفيش احترافيه ابدااا، منصحش حد بيه إلا لو هيتغاضي عن الحاجات ديالمزيد