الفندق جميل كل حاجة جميلة العمال كويسين خدمة الغرف كويسة حمام سباحة انا انبسط جدا في نظام في الفندق ارتخت جدا انا هاجي الاجازة الجيا وفريق الترفيه الانميشن كويسين انا انبسط معاهم جدا دمهم الخفيف متحرفين في الرقص والبحر جميل المنظر جميل جدا انا بجد انبسط اني موجود هما

الفندق كله حلو ماعدا التعامل من الشيفات والويترز مش عايزينا ناكل وبيبصولنا في الأكل وسمعت واحد بيقول للشيف ماتكولش انت ياشيف لأن الشيف كان خايف نخلص الاكل والشورية وكان هيطق من المصريين والحاجة ال بتخلص من الاكل مابيحطوش غيرها الاكل كله اكل عادي جدا زي اكل البيت بسلة فاصوليا وكوسا وبامية والحلويات ضايعه والاكل بيخلص والحلويات ومفيش غيرها لو نزلت متأخر ماتلقيش حاجة وإذا سألت الشيفات يقولولك مش هنحط تاني والفطار مفيش تنوع فيه هو جبن وزبادي وبيض وفول بس والغدا بسلة وكدا وحلويات غريبة كمان فيه كمية سحالي وابراص وفراشات رهيبة والانيميشن ضايعين اغاني وخلاص وحفلات أطفال الانيميشن مش قوي لكن الاوض حلوة جدا والبحر والبسين والاكوا والروم سيرفيس بييجوا كل يوم ينضفوا الغرفة والغرفة بتشوف البحر لكن الغرف ال عالبحر قافلينها ومشوار البحر بعيد شويه مش كتير مش مشغلين المصعد في المبنى القريب من البحر الحمامات عند البحر قدرة جدا الفندق كمان في سوبر ماركت بره لو عايز تشتري حاجة محلات ملابس وغيرها

فندق زبالة والاكل زى الزفت وحمامات الساحة معفنة ومافيش اكوا دى زحلقيتن ومنهم واحدة مكسورة وشاطئ البحر بعيد جدا منصحش حد يروحة نهائى ومافيش تكيف فى الريسبشن ومافيش مياة فى الاوض بجد ندمت انى طلعت الفندق دة