الفندق كبير
عيوب الفندق : فرش الغرف متهالك نوعا ما ( ربما ليست كل الغرف ) ، الخدمة بطيئة نوعا ما
مميزاته : المطعم جميل جدا ، فريق العمل ودود ، مكانه رائع جدا حيث خليج نعمة
عموما الفندق بشكل عام جيد جدا وربما أقيم في غرفة اخرى عند الزيارة القادمة

انا بكتب رأيي في الفندق لاني استفدت من آراء الآخرين لكن ياريت الي يكتب رأيه يكون بأمانة وموضوعية
أنا بنزل في خليج نعمة لكن للأسف كنت بنزل في فنادق أخرى دي اول مرة أنزل في تروبيتال
نظافة الغرف والمساحة جيدة، الصور على الموقع هي الواقع
بالنسبة للأكل عشان كنت بلاقي تعليقات بالإيجاب و السلب في نفس التوقيت الأكل بالنسبة لسعر الغرف ممتاز و في تنويع للأصناف لتلبية جميع الأذواق
المشكلة الوحيدة الي قابلتها رغم اني حجزت مع الفندق مباشرة و طالب في الحجز غرفة علوى في المبني الرئيسي لقيت الموظف في الاستقبال بيقول مفيش غير أرضي أو في الريزورت قولتله اني مأكد أكثر من مرة في الحجز على غرفة علوى وهو مصر انه مفيش غير في الريزورت لحد ما مديره شاف الموضوع (بشكره جدا على تعاونه) و غيرلي الغرفة زي ماكنت طالبها وعلى فكرة هتلاقي ناس شايفة الريزورت أفضل و ناس شايفة المبنى الرئيسي أفضل اختلاف أذواق
في النهاية فندق ممتاز و هو مكان إقامتي في شرم بعد كده أن شاء الله