موقع المنتجمع هادئ جميل قريب من خليج نعمة
،البوفيه لذيذ ، حمام السباحة كبير ونظيف
المرافق والالعاب والعروض ممتعه للكبار والاطفال
الي بيخدمو فريندلي ولطيفين
المكان جدا حلو حنزورو مره ثانيه فيه اقرب فرصة

للمره التالته اتأكد من حسن اختياري لهذا الفندق الرائع بجد اقسم بالله مكان رائع في كل حاجه عاملين بالفندق مفيش كلام يوصف ذوقهم وكان من حسن حظي أن اقابل بالصدفه في المطعم السيد مدير عام الفندق ولم استطع ان امنع نفسي للتحدث معه لابلغه علي روعة اختياره لجميع الاستاف في الفندق.... استاف رائع بداية من موظفين الريسبشن أحمد ومحمد وذوقهم وابتسامتهم الجميله في وجوه الزوار وطه وذوقه في توصيله لنا الي الغرفه وطبعا مدير الحجز بالفندق اللي مجرد ما ابلغته أن عند زوجي مشكله في رجله وفرنا الغرفه المناسبه انسان رائع وكله ذوق وطبعا العاملين في البار محمد ومحمد ومايكل كلهم ذوق وناس محترمه وكذلك حمام السباحه استاذ محمود وذوقه ومصطفي والهوس كيبنج أحمد وأحمد ذوق وطيبين جدا وطبعا الانيميشن سعود وتيتو وناتاشا زي العسل كلهم وبيخلوا الجو حلو جدا وبيفرحونا كلنا ونيجي للمطعم اكل اكتر من رائع ونظافه ورائحه جميله وذوق لا يوصف في التعامل الشيف سامي وعمله للمكرونه الوايت صوص مخصوص لبنتي والشيف محمد مصطفي وخيرت واخيرا الإنسان الأروع والأكثر ذوقا واحتراما واخلاقا من بين اغلب الناس اللي عرفتهم في حياتي مدير المطعم مستر عماد اللي مهما اتكلمت عن ذوقه ومواقفه معانا مش هقدر اوفيه حقه احنا بجد والله حبينا المكان ده من خلالهم كلهم بقينا لما بنكون هناك بنحس اننا في وسط أهلنا واصحابنا... شكرا بجد علي كل حاجه وبنحبكوا جدا ونتمنى نشوفكوا قريب.... هبه العسيلي أو مامت ليلي عشان تعرفوني😂😂

قضيت احلي شهر عسل في القرية
كل حاجة ممتازة الخدمات .. الوجبات منوعة ولذيذة الشيف مبدع ..طاقم العروض دمهم خفيف مع السياح والمصريين .. والناس كلها محترمين
حبيت شخصيا المطعم والبار مكاني المفضل وحمام السباحة والغرفة كانت جميلة
مكاني لما ارجع تاني لشرم باذن الله