الفندق جميل وهادئ مريح للعين والاعصاب الابتسامة لاتفارق الجميع من اول الدخول --- الاستقبال رائع تقابلك رائحة الفل في كل مكان الغرف مريحة واهم شئ نظيفة الفيو جميل سواء علي الخضرة او علي حمام السباحة
الاكل متنوع جدا والشيف ممتاز بوظ الريجيم بتاعي ولما قلتله كدة علق بإن الاجازة مافيهاش ريجيم تحس انهم بيعملوا الاكل بمزاج انا مش باكل كتير بس باحب الاكل اللذيذ حتي لو هاتذوقه بس فريق الانيميشن رائع عنده طاقة انه يرقص كل الناس علي البيسين الصبح وتاني بالليل في الحفلة اليومية بار حمام السباحة (بلو بلو) روعة كفاية انك تقوله اختارلي اشرب ايه وسيبه وعلي مسئوليتي والزد بار زيه بالظبط بيعمل كوكتيل تحفة
حتي لولو بنتي الصغيرة سبتها في حمام السباحة وانا مطمئن جدا فريق الانقاذ عالي المستوي والبنت خمس سنوات واثقة جدا فيهم وبتعوم لوحدها وهي مطمنة مش هاطول اكتر من كده بس لازم اشكر الجميع مستر احمد ومستر ممدوح ومستر محمود في الاستقبال
مستر عماد والمتر خيرت و الجميلين الشيف محمد والشيف سامي مع ان الريجيم باظ خلاص 😄
فريق الانيميشن عمرو و اسلام اللي يجننوا وفريق الانقاذ كابتن كريم وكابتن محمود اللي الابتسامة مافارقتهمش المتر مايكل بار بلو بلو والمتر محمد الزدبار ومش هانسي كمان اهم ناس في الفندق وهم الهاوس كيبنج اللي عاملين مجهود رائع في نظافة الغرف واميد ورا كل ده ادارة ممتازة هي اللي قادرة تعمل السمفونية الرائعة دي مستر عمرو مصطفي المدير العام شكرا ليكم كلكم خليتم اجازتنا جميلةوان شاء الله مش هاتكون اخر مرة نكون معاكم
بقيه الصور في تعليق اخر ان شاء الله كمان الفيديو