روح الفندق جميلة جدا ... لأنها بعيدة عن حالة الرسميات اللى بتكون فى بعض الفنادق التانية ... الناس اللى بتشتغل فى الفندق متعاونين جدا ، وأى طلب بتطلبه بيؤخذ بمأخذ الجد ... حمام السباحة رائع جدأ ، هو بسيط لكن ممتع جداً . ومهتمين جدا بنظافته.
الغرفة كانت على البساطة جميلة جدا ، والسرير مريح أوى
الفطار أكثر من ممتاز .... وهو أكتر حاجة مميزة جداً ... الشيف اللى بيعمل المخبوزات عاملها بتنوعات كتير ورائعة فى الشكل والطعم
الشاطىء كمان حلو أوى ؛ لكن طبعا مش بمتعة حمام السباحة . يمكن عشان الرملة مش زى رملة الساحل الشمالى
العاملين فى الفندق ... على وجه الخصوص أستاذ خالد من الهاوس كيبينج ، وأستاذ مصطفى المسئول عن الإيفنتز والفسح بيتعاملوا معاك بدفء وحميمية جدا بعيدا عن رسميات الفنادق
الملاحظة الوحيدة اللى تؤخذ على المكان هى بعض النقط الصغيرة المتعلقة بنظافة الفوط اللى بنستلمها من حمام السباحة ، زائد الحمام كان الصرف بتاع المية فيه مشكلة ؛ لكن غير كدة روعة روعة روعة .... حقيقة السهل الممتنع

اقامه علي مستوي واستمتعنا بخدمه مميزه وغرف مرتبه جدا ونظافه يوميا وفريق ترفيهي علي مستوي يقدم الانشطه الترفيهيه والحفلات واستقبال اكثر من جيد ومكان مخصص لالعاب الاطفال وبارات علي مستوي وشاطي جيد جدا واتمني زيارة الفندق مره اخري

الاقامه كانت جيده جدآ في العموم الفندق به كل الاحتياجات الاساسيه الخدمه ممتازه العاملين في منتها الزوق و الاهتمام عالي من ناحيه كل العاملين تجاه الضيوف في الفندق الغرف متنوعه و يبدو عليها الاهتمام معظم الاثاث جديد ومنظم و خدمه الغرف جيده و سريعه الطعام كان رائع و منوع و المطعم الخدمه فيه في منتهى الروعه حمام السباحة جيد و مكتب الرحلات ممتاز كخدمه واسعار و الفنضق موقعه في نعمه مميز جدا كذالك فريق الترفيه مع الانشطه المختلفة