فندق سيئ جدا وفاشل فى معامله العملاء وفاشل جدا فى محاوله حل المشاكل التى تقابلنا مسئوله التسكين (ايه) كدابه جدا ولا تستطيع حل المشاكل
مشاكلنا محدش حلها الا بعد الاتصال بشرطه السياحه
انصح بعدم النزول فى هذا الفندق مهما اغراكم قله السعر هتندموا جدا بجد ومش هتحسوا بالاجازة
قمت بالإقامة في فندق نيو بدوية للمرة الثالثة كانت اول اقامة في منتهي الروعة
و ثاني اقامة سنة 2017 اسوء بنسبة 50% اما اخر إقامة في سبتمبر 2018 الاسوأ علي الاطلاق في شرم الشيخ كلها منذ وصولي الي الفندق كان الاستقبال سئ جدا موظف الاستقبال المدعو (محمد صلاح) الذي يدعي انه مدير الفندق كذبا ينهر الموظفين امام النزلاء بمنتهي قلة الادب يعامل النزلاء علي انهم حثالة لا يصلح هذا الشخص ان يعمل في السياحة هذا من ناحية الاستقبال الغرفة بها تكييف هواء بصوت عالي جدا لايسمح للشخص ان ينام من كثرة الازعاج قمت بإغلاقه حتي استطيع النوم ولم اتحمل الحر اقوم بتشغيله مرة اخري حتي يبرد جو الغرفة واقوم بإغلاقه حتي استطيع النوم لايوجد سوي عامل نظافة واحد يقوم بتنظيف الغرفة مرة واحدة طوال فترة الاقامة ( ثمانية ايام ) ولا يغير المناشف الا اذا طلبت انت ذلك وبإلحاح في طلبك لاتوجد مناشف للبحر من ناحية الطعام وجبة الافطار لا تتغير علي الاطلاق الخبز منذ امس طعام منذ امس جاف لايوجد سوي الجبن الابيض الذي تستطيع ان تأكله كل هذا ممكن التغاضي عنه الا وجود حشرات في الفراش ( بق ) ابلغت مدير الفندق ( مستر احمد ) اوصي بأن اغير الغرفة قام المدعو ( محمد صلاح ) بعرض علي غرفة اسوأ من الغرفة التي كنت بها رائحتها لاتطاق ولا يوجد بها انارة فقررت مغادرة الفندق ولولا معرفتي بمدير عام الفندق مستر ( محمد ربيع ) كنت ذهبت الي شرطة السياحة لتقديم بلاغ في الفندق الذي يسيئ للسياحة في شرم الشيخ بل وفي مصر كلها لن اذهب الي ذلك الفندق مرة اخري وانصح بعدم الذهاب اليه واهدار المال والوقت فيه .
مكان قذر جدا بمعني الكلمة حتي لو هقول فلوسه قليلة بس حتي النضافة معدومة فيه مفيش نضافة خالص اول يوم استلمنا الغرفة مجرد استعمالنا للحمام اول مره المجاوي طفحت ده غير طبعا ان اول ما دخلنا الحمام كانت ريحته قذرة كأنه متنضفش من فتره كبيرة و ده اول ما استلمنا الغرفة الي هو المفروض تكون متنضفة كان المفروض يبقي في الغرفة ٣ سراير كان فيه ٢ بس طلبنا منهم يجيبوا التالت طبعا لا لحياه لمن تنادي قولنا مش مشكلة ننام كلنا علي سريرين خرجنا من الغرفة طلع الباب مش بيتقفل من بره يعني المطلوب مننا اننا طول ما احنا بره الفندق نبقي حتطين ادينا علي قلبنا عشان هدومنا و حجاتنا متتسرقش طلبنا منهم يصلحوه و يجيو سرسر تالت طلعنا من الفندق و رجعنا جابو سرير متكسر و مفهوش خشب يعني ميتنمش عليه لقينا بره قدام الغرفة سرير اخدت خشب منه و حطيته عندي و كنت لاخر وقت بقول معلش علي اد فلوسه بس كل ده و اول يوم بس و مصلحوش الباب فا فضلنا طول اقامتنا بنمشي و اي حد ممكن يدخل المهم جيت انام بليل لقيت دم علي الملاية شئ في منتهي القذارة سبت السرير و بقيت انام علي السرير التامي وًحاطة هدومي تحتي و علي المخده من كتر ان ريحة الملايات تقرف و الاوضة ريحتها مكتومة نيجي بقي عند الاكل سئ جدا و العيش بايت بقاله ايام كان الاكل وحش و المعاملة وحشة جدا كنت بامل سلطة بس و باكل من بره بجد مكان منصحش حد بيه احنا كنا بنسيبه من ٨ الصبح و نرجع متأخر جدا عشان منقعدش فيه وقت طويل اكتر حاجة كانت كويسه فيه التلاجة كانت شغالة الحمد الله مكنتش مصدقة ان فيه حاجة شغالة و التكييف كان بيفصل كل نص ساعة بحد مكان سئ لاقصي درجة و معاملة سيئة جدا من الستاف
هذا الفندق من الفنادق العادية التي لا تستطيع ان تمكث بها اكثر من ثلاثة ايام الفندق قليل الخدمات من الاستقبال الي عمال النظافة لايوجد هاوس كيبنج الا بالطلب ولا يوجد شامبو او شاور جيل هذه المرة الثانية التي اقوم فيها بالاقامة في فندق بدويه الا ان المرة السابقة كان الفندق اكثر نظافة والعاملين في الفندق لا يرتدون يوني فور فلا تعرف الجست من الاستطف اي شئ تطلبه لاينفذ حتي بإلالحاح تدخل مدير الفندق لكي نأخذ يشاكير للبحر لايوجد فوط للذهاب بها الي الشاطئ وجبة الافطار متكررة عموما الفندق مناسب بالنسبة لسعره ولكن ينقصه الكثير ليكون فندقا بجد الفندق لا يوجد به شاطئ رملي
فندق سيئ للغايه مفيش خدمه نهائي ولا اهتمام بالنظافه خصوصا حمام السباحه منتهي الاهمال والقذراه فيه ومفيش اي امن مسؤل عنه سوء بالنظافه او بتنبيه النزلاء بالتعليمات بنوع وطبيعه الملابس لينزول فيه وللاسف لما بدانا نشتكي المسولين ولا حد اهتم وكان ردهم علينا ان الفندق لسه شغال من اول ايام العيد عذر اقبح من ذنب ياعني عذرهم بياكد ان فعلا في اهمال لان المفروض لو شغال فعلا في العيد كان الحمام يكون منتهي النظافه وكمان مفيش ولا سله للنظافه في الاستقبال ولا عند الحمام
