أنا اسمي توني من اسكندريه وبشتغل في مجال السياحة وبصراحه أول مرة اروح فندق اروينتال ريفولي ومكنتش متخيل انه هايكون جامد اوي كده أولا الاسطاف فريندلي لدرجة رهيبه و شكر خاص ل مستر / چون. الجندي المجهول في الاوتيل إللي بجد بيحل أي مشكلة في ثواني وبشوش دايما ومش بيسيبك غير وانت مبسوط واسطاف الهاوس كيبنج والمطعم بيعاملوك كأنك العميل الوحيد في الاوتيل وبيهتمو لابعد درجه الاكل ممتاز في الغدا و العشا الفطار حلو بس محتاج تنويع اكتر بس كواليتي الاكل عالي وطعمه ممتاز والشاطئ بقي حاجة تحفة عبارة عن محمية طبيعية رائع جدا وفيه كمية اسماك تحفة وشعب مرجانية كتير وفيه جزء كبير رملي وحلو جدا للاطفال
من الاخر الفندق ده احلي من فنادق كتير دخلتها بطبيعة شغلي في السياحة الفندق ده رائع

رحله ظريفه جدا هنا في شرم الشيخ و فندق اورينتال ريفولى بجد فوق الوصف من حيث الخدمه و النظافه و الترفيه ، انا جيت انا و زوجتي و دي كانت اول زياره ليها في شرم الشيخ و كانت مبسوطه جدا ، في الفندق الفريق الترفيهي مسلي جدا في الصبح و في الليل دايما مبتسمين و شغلهم متقن جدا ، حمامات السباحه كويسه جدا و الغرف نظيفه و انا ناوي أرجع في الاجازه الجايه تاني

بجد والله وبدون اى مجاملة سواء للفندق او القائمين عليه بجد اولا الفندق يستحق اعلى تقييم ممكن من النزلاء سواء فى خدماته المقدمة من الوجبات الاساسية متنوعة لارضاء الناس او الاستقبال المحترم والنزيه من العاملين بقسم الريسبشن والشكر الخاص لمستر جون وشخصيته الخلوقة والمتعاونة جدا ولو واجهتك مشكلة بيحلهالك فورا وكل الشكر للعاملين بالهاوس كبيبنك واللى بيرأسهم ايضا مستر سامى المحترم بجد واى حاجة بتحتجها فى غرفتك فى لحظة بتكون عندك وفريق الانيميشن بجد والله حاجة مشرفة جدا سواء ميس ميكا الحبوبة بتضحك وبشوشة معانا وميمو الجدع فى منتهى خفة الدم وفيلكس الجدع اللى بيحاول يسعد الناس باى شكل متنوعين كل يوم فى جديد وانا اسف للاطالة بس بجد الفندق والقائمين عليه يستحقو التقدير علشان تعبهم ميروحش ونصيحة لاى حد هيروح الفندق واجهته اى مشكلة وده وارد فى اكبر الفنادق يتكلم ويتأكد ان مشكلته هتتحل فى اسرع وقت