حابه اتكلم عن مكان من احلي الاماكن اللي زرتها وهو فندق طابا اوتيل ونيلسون فيلدج. اولا جغرافية المكان سمحت بتميز موقع الفندق بالاضافة لوجوداستاف من افضل الاشخاص اللي قابلتهم عن اي مكان رحته واولهم الاستاذل
الفاضل والي حقيقي الرجل المناسب ف المكان المناسب مسترعادل المسئول عن الاستقبال قمة الذوق والأخلاق كفء للمكان وحضور ولغة تؤهله للمكان وافضل كمان ، يوفر كل وسائل المساعدةوالارشادللنزيل لا يكل ولا يمل ابدا ودود يتعامل مع النزيل كانه اخ وفعلا نعم الأخ وده لمسته من خلال كل الناس اللي بتبقي واقفة تتعامل معاه وتسأل دوما عليه. بتمناله كل التوفيق دايما وحقيقي اغلب الاستاف رائع وودود وعايزة يقدملك افضل وسائل المساعدة لتمام راحتك ،ثانيامستوي النظافه حقيقي افضل نظافه للغرف والملايات والبشاكير حقيقي زي الفل، والبسين والشاطئ والمساحات الخضراء وشكل العنايه بيها ، بالاضافه لنظافة وجودة وتنوع الاطعمه اللي بتتقدم مش مجرد بملي البوفيه بأصناف انا بأنتقي الاصناف اللي بتتقدم وبراعي جودتها وسلامتها وتقريبا ده المكان مش عايزة اقول انه الوحيد اللي وجدت فيه ده ع مستوي اوتيلات للاسف اسماء كبيرة وتلاقي الاكل بايت وبايظ،البسين طبعا من ماء البحر دي فرصه كبيرة للي بيقلق من نزول البحر خاصة ان البحر هناك صخري وفي شعب رغم كده حاولنا نشوف مكان هادي من الشعب شويه وننزل والمايه فعلا بكره وتحس فيها عذوبة وفرصه حابه اشكر الدايفنج سنتر اللي قمنا معاهم برحله سنوركلنج لقلعة صلاح الدين وكان معانا كابتن محمد علي شخص محترم وكل كرو المركب بشكرهم جدا .انا بنصح اي شخص عايزة يهدي اعصابه ويستجم فعلا انه يروح طابا هوتيل وحقيقي تجربة لازم اي حد يستمتع بيها لانه هيفوته كتير
شكرا لكل القائمين علي ادارة الفندق واخراج مستوي وجوده ورقي بالشكل ده من اول الشخص الموظف المبتسم اللي بمستقبلك ع الباب لغايه مدير الفندق ،شكر خاص للناس الي اتعاملت معاهم أمير ف الهاوس كيبنج ونشوي وعمر ف البار واسامه ف بار نيلسون والعاملين في اوازيس وشيش بيش

أنا حابب اتكلم عن إقامتي انا و عائلتي في الفندق اللي بالفعل بيبهر نزلائه بحسن الاستقبال من أول موظف الأمن اللي علي البوابة لمدير الفندق نفسه الكل على وجه ابتسامة الترحيب ممزوجة بكامل الاستعداد لمساعدة النزيل من أجل إرضائه و إدخال البهجة والسرور عليه ، و أخص بالذكر الرجل الفاضل الاستاذ عادل مسؤل الإستقبال اللي كان طول فترة الإقامة و تواجده بيبادر للمساعدة و إتمام الإقامة بالشكل الأمثل و انا بحب أشكره على ده جدا، و بالنسبة للفندق دي مش اول زيارة ليا انا سبق و نزلت فيه عامي ٢٠١٧، ٢٠١٨ و السنه دي فعلا فندق رائع نظيف جدا الأكل و المشروبات في منتهى الروعة و تقدم بشكل رائع و محترم و المكان مريح جداً للاعصاب تشعر فيه دايما بالسرور و حقيقي الواحد سعيد ان المكان دايما بيسعي للأفضل تحية كبيرة للاصطف الرائع و الإدارة المتميزة و شكرا

بصراحة الفندق تحفة كلمة رائع قليلة على اللى شوفناه هناك سواء من معاملة راقية جدا و محترمة و ازاى مرحبين بينا من اول الرسبشن الاستاذ عادل اد ايه كان ذوق جدا معانا و مساعدته لنا فى اى حاجة
الاكل تحفة جدا
الشيفات معاملتهم ذوق و محترمة
الحجرات جميلة و دائما نظيفة
شكرا للكل لانكم ساعدتونا نستمتع بالايام اللى قضناها معاكم