انا كنت متحمسه جدا للريزورت ده بسبب التقييم بتاعه بس طلع أسوأ مكان دخلته ابتدئ من ال كام في الريسيبشن في اي مكان اما حد يحطلنا البريسلت في ايدنا بيقص باقي البريسلت عشان منمشيش بيها كده هو بقي مش عايز يقص رغم ان كان عنده المقص ثانيا بقي الغرفه كويسه ماشي حالها ولكن التويلت مش حلو خالص
ثالثا الرووم سيرفيس ال لو طلبت حاحه مش بتيجي لازم ترجع تتصل ٣ ٤ مرات مثلا و ممكن نقعد اليوم كامل يقولك هبعتلك الحاجه و متجيش و ياريت بيردو بسرعه لا لازم تتصل كام مره عشان بردو أسوأ حاجه بجد الروم سيرفيس مفيش حاجه بتيجي في وقتها و رابعا برضه ال house keeping نضافه من علي الوش او اطلب منهم يعملو حاجه يقولي حاضر و ميجيش و ميعملش ولا يعتذر ان معملش مفيش اي ذوق ولا احترام ولا لطافه ولا اي نوع من انواع الاهتمام
خامسا الwaiters قليلين جدا علي خدمة المكان و مش بيضحكو في وش الواحد و مش بتلاقي حد عشان تعرف تطلب منهم حاجه. سادسا بقي و ده الاهم الاكل مش حلو اردئ انواع الجبن و التركي و الفاكهة و السمك يا نهاري كان طعمه مر و الاكل مش احسن حاجه خالص و كمان مغيش تنوع قعدت ٤ ايام الاكل هو هو خفيف اوي لو طبق من الاطباق اتغير و الحلويات سيئة جدا في الغدا و العشا و برضه مفيش تنوع وً الانيميشن تيم ضعيييييف اوي اوي مش ببيبسطوا الاطفال اوي و مش احسن حاجه. انا مش فاهمه ازاي الفتدق ده واخد التقييم ده و هو اوحش حاجه رحتها. لكن البحر حلو جدا و السمك و ال snorkeling هناك ظريف جدا. نسيت اقولكم ان اول ما دخلنا الغرفه و بنشوف التويلت لقيت البشكيرات متعلقه مش نضيفه 😨😨 معلش طولت عليكم بس كانت من اسوء رحلاتي فقلت انقلها عشان محدش يضايق زيي

المطعم ممتاز مدير المطعم محمد و موظفة الاستقبال رماز و الشيف مصطفى كلهم رائعين بالتعامل و كل اشي حلو و مرتب و في خدمة ممتازة غرف نضيفة و بحر حلو كتير والأهم مايا الي مسؤولة عن الأطفال كتيير حنونة و متعاونة

الحقيقه من احسن تجربه حياتي ان انا جيت الفندق ده موزاييك طابا واحلي حاجه بسطتنا بجد الانيميشن تيم وكمان عجبنا اوي الكيدذ كلوب وماشا اللي شغاله هناك العسل وكمان ميدو الانيميشن وجوني والبار كويس والمطعم وكل شئ جميل