فندق هادي وجميل وقمة الاستجمام ممتاز جدا والاكل تحفه ومتنوع والحلويات جميله والغرف جميله ونضيفه وكل العاملين محترمين ومتعاونين وبيلبوا كل طلباتك والبسمه مرسومة علي وشوشهم دايما بجد اجازة ممتعه في فندق ستراند طابا

أول مره مكان من تميزه يجبرني أعمل ريڤيو ❤
من البداية :
استاف المكان كله ناس بروفيشنال جداً ، من أول الريسبشن وهما محترفين في التعامل ..
التسكين اتأخر حوالي نص ساعه ، بس عادي عشان الضغط عليهم بس
لكن محترمين وودودين جداً .
الغرف جميله ، وكلها علي ڤيو جميل جداً
مفيش سلبيات حصلت في فترة وجودنا .. التكييف كان فيه مشكله اتصلح ف وقتها اول ما بلغت علي طول
استاف إعادة ترتيب الغرف متعاونين جداً وبيحترموا الوقت والمواعيد
الغرف بتتنضف كل يوم ومهتمين بالنسكافيه والشاي والمياه انها تكون موجوده بإستمرار
كل العاملين ف المكان بشوشين ومتعاونين خصوصا البنتين في استقبال المطعم
حقيقي كنت بحب أكل بسببهم 😂❤ لطاف جداً
سامح ومحمود ويترز المطعم ، متعاونين جداً ومهتمين بالموجودين جدا وكل اللي موجودين ف المطعم متعاونين جداااا
بلال البار مان الخاص بالفندق جوا ، والبار مان اللي ع ال Pool كمان .. لُطاف جداً ومتعاونين
الشيف هناك عالمي فعلا ، خصوصا للناس اللي بتاكل هيلثي فود او ماشيين مع حميه غذائية او بيعملوا دايت ، تنوع لطيف ف الاكل
والناس اللي بتحب الأكل بردو هتتبسط جداً .. يوم السمك كان عالمي 😁
الشيف ع الشوايه كمان بره المطعم جميل جداً ، لازم تجرب المشويات بتاعته
الpools دايماً نضيفه وجميله ..
في چيم كويس للي بيتمرنوا كارديو او حابيين يحافظوا علي لياقتهم في اجازتهم كمان
في بنت هناك كنت بتمرن معاها ع ال pool الصبح اسمها aliona جميله جداً ومتعاونه وبشوشه ولطيفه
وعلمتني كذا رقصه
الأكوا چيم ، جيدو و ميدو الاتنين ملتزمين بالمواعيد ومهتمين ب انبساط الناس جداً
فريق الانيمشن جميل جداً وعملوا عروض كتير ومهتمين ان كل الموجودين يكونوا مبسوطين
حفلة ال pool party ف الوكاله كمان كانت جميله جداً

في باص بيطلع كل 10 دقايق من ستراند للوكاله free عشان اللي حابيين يحضروا الحفلات هناك

في حاجات كتير ممكن تتعمل طول اليوم .. فريق الانيمشن تعبوا جداً بصراحه من 10 الصبح ل 12 بليل بيعملوا انشطه وعروض وحاجه لطيفه جداً
البحيره ، لازم تنزلها هيفوتك كتير جداً لو معملتش دا
البحر جميل الشط صخري علي مسافة متر واحد بس وبعده جميل وممهد

الشاطئ كبيييير شويه ، بقترح يستغل المساحه بتاعته في مطعم ع البحر او اي حاجه تانيه هتبقي تحفه

المكان جميل فعلاً ، أسعاره مناسبه ولطيفه
أرشحه بشدة ، ولأول مره اقول اني هروح مكان تاني قريب واني مبسوطه بكل اللي فيه جداً

خدمات الفندق ممتازه وأكله جيد وطعمه حلو والغرف نظيفة وفريق العمل ممتاز ويهتمون بنا من أجل اسعادنا وفريق المطعم ممتازين وفريق حمام السباحة ممتاز بصراحة كل العاملين اهتمامتهم أسعادنا وشاطئ البحر نظيف جدا