الفندق سيئ في كل شيئ مستوي الاكل و جودته مستوي النظافه ع البسين والحمامات ريحتها كانها مراحيض عامه الفندق غير مستعد لخدمه كل النزلاء لازم تدفع اكراميات عشان تاخد خدمتك
الناس نازله البسين بتيشرتات وشباشب كأنك ف الترعه محدش من الفندق بيحاول يطبق قواعد الفندق اللي متعلقه علي يافطه كبيرهه جدا
محدش بيحاول يساعد كله شايف العك ومكبر دماغه
من اول العامل الصغير لحد مديرين المطعم كل حاجه حرفيا وحشه فلوس يتارمي ف الارض
منصحش اي حد يروحه
بالمناسبه انا حاليا ف الفندق لسه واصل امبارح مفيش اجنبي واحد ف الفندق وده بالنسبالي حاجه بتاكد رايي ف مستوي الفندق كل النزلاء مصريين ومع الفهلوه المصريه وعدم وجود تطبيق للقواعد من اداره الفندق المتراخيه بتوصل لمرحله انك عايز تقطع اقامتك وتمشي بس للاسف الفلوس هتروح عليك

فندق فاشل فى كل حاجة من اول الرسيبشن غير مكيف مفيش حد يشيل منك الشنط لازم تروحلهم وحتى موظفين الاستقبال مكشرين ومتوتريت ومش مركزين الغرف مش بتتمسح كويس بدليل تحت السرير مليان تراب واكل قديم حتى الاكل وحش جدا جدا نفس الاصناف هى هى كل يوم مفيش اى جديد المشروبات طعمها سيئ جدا حتى القهوة جايبين نوع سيئ جدا نيجي بقى لحمام السباحة كل الشازلونجات محجوزة زحمة جدا مياه برا حمام السباحة تحس انك فى ترعة
البحر نفس الكلام الشازلونجات كلها محجوزة وكلها قديمة ومكسرة ، ومفيش امن خالص الكاب بتاع ابنى ضاع ومعرفناش نرجعه تانى
تصميم الفندق سيئ جدا علشان تمزل تاكل لازم تنزل الدور التانى علشان تطلع ريسيبشن لازم تطلع الدور الثالث علشان تنزل البحر لازم تنزل الدور الاول
الموضوع متعب والاسانسير على طول زحمة
ادارة فاشلة لانها معندهاش إمكانية إستقبال عدد كبير من انزلاء
واكتر حاجة ضايقتنى جدا الانيمشن تيم بيلف على العملاء علشان يدخلو يكتبو تعليقات ايجابية على المواقع عن الفندق ولما سئلتوهم لو فى تعليق سلبى قالتلى بلاش تكتبو هنا ممكن تتكلم مع الإدارة

بلاش تروحو الفندق صدقونى اجازتكم هتضيع

فندق جيد من حيث الغرف و الموقع
ولكن الخدمات رديئة للغاية
العمالة قليلة و الكثافة عالية جدا و نسبة الإشغال اكبر من طاقة العمالة بالفندق و المطاعم مزدحمة
للغاية و يجب الانتظار فترة حتى تتوفر أماكن للجلوس فى المطعم و الوقوف فى طوابير للحصول على الطعام