السلام عليكم

بشكل عام :

صراحه افضل فندق ممكن اسكن فيه اذا كنت في بورصه
رحت لهم شهر يناير للامانه من اول ماوصلت لي سويت خروج والاستاف من مدير لي اصغر موظف ماقصرو معاي

الموظفين ذوق وخبره ونفسهم حلوه ويساعدونك باقل الاشياء لي اصعب الاشياء وعندهم اهتمام بالنزلاء من اول مايدخل الفندق لي ينام :)

للامانه بنتي الصغيره شوي كانت حركيه وتلعب وتفتر
والله ان الموظفين ماقالو لها ممنوع ولا امنعوها ان توقف شطانتها :))
بالعكس كانو يقولون لي خلها على راحتها تستانس وما ضايقوني ولا بلغوني بشي حسيت كاني كنت في بيتي

من ناحيه الموظفين:
الستاف مثقف وملم بكل شي في بورصه
يعني عندهم اطلاع وخبره بكل شي يخلون ايامك
وطلعاتك كله وناسه وسريعه ومافيها تاخير

وكانو يتميزون انهم يتكلمون انجليزي بطلاقه
وللاسف عكس بعض فنادق تركيا الى سكنت فيها مايعرفون انجليزي عدل ولا عربي
الى تتوهق ماتعرف شلون تاخذ وتعطي وياهم

وكان في موظف تركي ماشالله عليه كل شي يعرف والله نسيت اسمه للاسف بس اعرف شكله اذا شفته

كان يقترح لي اماكن اروح لها كمطاعم
ويعطيني خيارات وايد شنو المجمعات الى ازورها اول
والاماكن اللعب والترفيه للعايله والاطفال
وكان يقولي كل مكان شكثر المده الى اقعد فيها وكان يطلع كلامه صح هذا خلاني اروح وايد اماكن بايام قليله تقريبا قعدت ٦ او ٧ ايام ماذكر

رحت القريه العثمانيه ورحت الشجره التاريخيه ورحت الشلالات والمصانع والمجمعات يمكن رحت ٤ مجمعات الرئيسيه المشهوره كلها ورحت التلفريك بعدين زرت الكهف مادري شسمه بسن الجبال بين الجبال
وهذا غير السينما والحدايق الكبيره
ورحت حديقه الحيوانات قريبه من الفندق
ومطاعم صوب حجي داي وسوق المسقف وغير الاماكن التراثيه والتاريخيه

والله حتى وقتها طق ثلج والجو صار بارد
دلاني على محلات قريبه عشان اشتري جاكيت اثقل

والله يحليله كان يحاتيني بالطلعه والدخله بس يبي نكون مستانسين

حتى والله اهو حجزلي تذاكر بالعباره عشان اروح اسطنبول
واللله الستاف كامل بدون مبالغه مممتااااااااااااااااز

من ناحيه الموقع:
كشخص دايم اروح بورصه للامانه مهما حاولت اقتنع باماكن الناس تفضلها قريبه من السوق
الا ان خيار هيلتون افضل شي
هدوء ومافي ازعاج تقريبا تكون بالنص
تبي سوق ووناسه واكشن الفندق اخذه يمين
تبي اماكن وزيارات تاريخيه وعائليه الفندق اخذه يسار
ههههههههه

والله الى كتبته المختصر
كثر ما امدح المكان شويه

حتى حجز الغرف رقوه لي بدون مادفع زياده

فندق رائع وموقع ممتاز وهادئ يحيط به مركز تجاري بمنتجات متنوعة وملابس واحذية وغيره من المنتجات إضافة إلى وجود مطاعم ممتازه محيطة به والعاب أطفال ويعتبر قريب لجميع مواقع الفعاليات ببورصة من جبل او شلال او مركز المدينه أو الشجرة المعمرة او حديقة الحيوان.

فندق رائع ومميز النظافة ملحوظة وتعامل الموظفين ودود وموقعه هادي وحوله مركز تسويق ومطاعم للعوائل والأطفال والعاب أطفال ومركز تسويق ومركز تجاري مميز يحتوي منتجات جلدية وملابس ومناشف واحذية وأكثر من ذلك بشكل مرضي للسائح