من أجمل تجارب المطاعم والمقاهي في العقبة، صعب تجد مكان يقدم تجربة مقهى جميلة مع تجربة طعام غنية! الطعام الشرقي يشبه طبخ الامهات والمكونات طازجة .. المكان ممتاز للتصوير .. صورت فيه أجمل صور في حسابي انستغرام والانترنت ممتازة .. وطاقم الخدمة يشعرونك أنك في بيتك وبين أهلك
ركوة كنعان بالعقبة كل مرة يحوز على اعجابي

معلش راح احكي باللغة العامية عشان اعرف اخد راحتي مزبوط واطلع كل اللي في قلبي، إجاني مبارح ضيوف من عمان وحبيت أكرمهم واخدهم على محل المفروض انه علم بالعقبة حتى بس يرجعوا على عمان يقولوا والله كنا قاعدين في المحل الفلاني ، وبناءا على هذا الكلام قررت اخدهم آسفا على ركوة كنعان ، واللي صار كالآتي: وصلنا بأمان الله واخترنا طاولة خارجية نقعد عليها وفعلا قعدنا ، طبعا عداكم على موضوع ما حدا استقبلنا برا واضطرينا نقوم بنفسنا عشان ننادي واحد من جوا يعطينا المنيو ، اجا هالمنيو شو هالتصميم المرتب اشي بيفتح النفس احنا حكينا : اذا المنيو هيك كيف بدو يكون الاكل ؟؟ والله وطلبنا كل واحد وجبة وعشان ضيوفي مش ماكلين اشي من الصبح طلبنا كمان صحن واحد فيه مقبلات ساخنة باردة عشان يدبروا امورهم عبين ما يجي الاكل ، اجا صحن المقبلات وطبعا الشخص اللي اخد الاوردر ما حكالنا انه الشخص بكفي شخصين بس واحنا 4 اشخاص وطفل ، اكلنا الي اكلناه ودبرنا حالنا وربنا الله الاكل ما تأخر ولكن (هنا كانت الفاجعة) انا اول شي احكي عن اكلي بما اني صاحب التقييم، كان طلبي صاجية لحمة واول مرة بحياتي اشوف لحمة لونها ابيض، طعم ما الها، بهارات ما عليها، الولد الصغير المسكين كان طالب طاجن بحري بالرز بصراحة مش راح نقدر نقولكم شو الوصف مزبوط لأنه المسكين طعما كل صحنه للبسه، الحجه الكبيرة طلبت طاجن بحري بالكريما وبتفرج فيها مش راضية تاكل وكل لقمة بدي اقولها كلي يا حجة وهي المسكينة تنحرج وتاكل وانا اتفرج بوجها نفسها تقوم تضربني ، خطيبتي طلبت بيتزا مارغريتا وما اكلتها بس ربنا الله اخدناها تيك اوي عشان عنا كلب بالبيت (وللعلم الكلب ما اكلها) الشب اللي طالب مشاوي اكل وجبته ولكن كان عنده تعليق انه الاكل مش زاكي ، نيجي للسيرفس : طبعا المفروض انه يجيك واحد ويسألك كيف الاكل عشان تفضفضله بس انا بحب اقول انه حتى فحم للأرجيلة ما حدا اجا غيرلنا اياه ، لأ وبعد ما طلبت انا فحم من واحد من الشباب نسيني كمان وبعد هاد كله بتحاسب على فاتورة بأسعار سياحية ، اقسم بالله انتوا اللي ضربتوا السياحة بالبلد ، بدكم تشطحوا بالاسعار وتعتبروا حالكم منشأة سياحية طيب ما في مشاكل بس إرتقوا شوي بخدمتكم او بلاش يا جماعة الخير كافحوا النمل اللي بديش احكي عالرصيف خليني احكي محل ما حاطين طاولاتكم بلاش تقولوا هاد من الشارع مش من عنا ، بصراحة انا هاي الفاتورة اللي دفعتها مبارح اغلى فاتورة مطعم انا بدفعها بحياتي مع العلم اني عزمت عدد اكبر من هيك بس لا وضعكم أوفر صراحة ، انا ما راح ارجع اجي عالمحل بعد هيك وكل واحد انا بعرفه بحياتي راح احكيله عن تجربتي السيئة جدا معكم

مطعم راقي جداً
خدمة مميزه
وجبات شهية جداً
أجواء رااااااااائعة
الأسعار معقولة
طواقم العمل ودوده جدا وعلى مستوى عالي من المهنية

الإرجيله كتير زاكيه والاكل طيب كتير بنصح كل الأشخاص يروحوا على هاد المكان خرافي الموسيقى هاديه وبتجنن

مستوى الأسعار عالي والطعام بمستوى متوسط حتى طاولات الطعام غير مناسبة للأكل ، يصلح ان يكون مقهى اكثر من مطعم الخدمة جيدة