اتقدم بالشكر الجزيل لموظفي الفندق خصوصا في الاستقبال الأخت فوزية متعاونه جداً ، وبشوشه، وكذالك باقي الموظفين العمانيين والعرب ، حقيقه تجربه فريدة ، باستثناء بعض الملاحظات التي تتعلق بالتغذيه فهي سيئة مقارنه بخدمات وتميز الفندق .

ما شاءالله فندق متكامل ورووووعه وجميل وبقرب الخدمات وحوض السباحه روووومانسي والفندق بقرب حصن خصب واللولو والجميل الاهتمام بالنزلاء خاصه الأخت خلود ما قصرت في الاجابه عن الاستفسارات والمساعده.. اتمنى لكم التوفيق دووووووم يارب

زيارتي كانت للعمل وكالعادة انزل بنفس الفندق واكثر شي لفت نظري خدمة الريسبشن دائما مرحبين بحفاوة ولتكرار زياراتي ما ينسوني
زيارتي الاخيرة تاريخ 1يناير 2021، بعد ما خلصت تشيك إن ودخلت الغرفة اكتشفت اني ناسية اجيب غرض معين مهم
كلمت الريسبشن وكانت الاخت فوزية موجودة
كلمتها اذا فيه خدمة اني اطلب غرض مهم من خارج الفندق وسالتني عن الشي اللي ناستنه وبعد شوي كلمتني من المحل تاكدلي اذا الغرض هو نفسه اللي طلبته وانصدمت انها طلعت بروحها تجيب طلبيولما رجعت وصلت طلبي للغرفة وتفاجاة باالاغراض اللي جابتها لي مع طلبي من حلويات وتشيبسات وعصائر
وللعلم حتى ما رضت تاخذ مني مبلغ الاغراض
اعتبرتني اخت قبل لا اكون زبونه بالفندق
معروف ما انساه منها وموقفها يخلي الواحد غصب يحب الفندق وخصب كلها