حابة أعبر عن امتناني ع العشاء الراقي
الشيف أليكس بيسترو جداً متواضع هذا غير انه فناااان و الأطباق مشبعة و لذييييذة بالذات شوربة المشروم ماشاء الله عليه له نفس في الطبخ تسسسلم ايده و النادلة الفرنسية ماعرف اسمعها بس حبيت انها تقترح و تساعد في الطلب و مبتسمة على طول و كذلك الأخت فاطمة يعطيها ألف عافية و زوجي يقول ماكو طبق أحلا من الثاني كل الأطباق ولا غلطة.

شكراً للجميع على الخدمة الأكثر من رائعة و ان شاء الله لنا زيارة في افتتاح المطعم اليوناني فليم

لأول مرة نزور الفندق للمطعم الفرنسي اليكس بيسترو، صراحة شي فخم فخم كانك برا السعودية من جمال وترتيب المكان من المدخل لين ماوصلنا مدخل المطعم استقبلتنا الموظفة منار جدا جدا اخلاق وتعاملها محترف كان فيه زحمة عند الباب لكن طريقتها بتعامل مع كل عائلة بلطف وتقدير على ما انتظرنا شرحت لنا كل المطاعم صراحة كانت ولا اروع صح انتظرنا شوي لين جهزت طاولتنا، ما ازعجنا الانتظار لانها استقبلتنا بشكل يليق برقي المكان وعكست لنا جزء صغير من رعاية الضيوف في واحد من مرافق الكمبنسكي بتأكيد بنزور

بالنسبة للاكل والخدمة في المطعم الاكل لذيذذذذذذذذذذذذذذذ ومختلف عندهم سلطة فيها رول بالجبنة مجنونه وبشكل عام كل شي فريش خدمنا اعتقد اسمه منافه ممتازه خدمته رائع جدا وشرحنا كل شي بالتفصيل وراعي اذواقنا بالاكل واقنعنا نجرب الترفل باستا لاول مره نجرب الترفل بالاكل شكرا لكم على صنع يومنا انا وعائلتي كاننا كنا في رحلة سفر

- من اجمل فنادق الخبر وانظفها .
- موظفين الاستقبال متعاونين جدا ويخدمونك بكل حب واحترام .
- الغرفه واسعه ونظيفه .
- دورات المياه نظيفه جدددا .
- الويتر في المطعم ودودين ومبتسمين .
- السبا رائع رائع رائع

هذي المره الثالثه ازورهم ومازالوا محافظين على تمييزهم .