ممتاز جدا في النظافه والترتيب والحفاوه وايضا طاقم الاستقبال لهم جزيل الشكر على الاسلوب الاكثر من رائع
وايضا كونه قريب من المسجد الحرام والمكان هادى وجميل جدا
انصحكم به جميعا وشكرا جزيلا لك طاقم الفندق

الموقع: قريب من الحرم النبوي مسافه ٥ دقائق مشي تدخل مع باب الحرم الرئيسي الخارجي رقم ٣١٦ و يوصلك لباب قباء رقم ٥ او باب الهجره رقم ٤ او باب الملك سعود رقم ٨.والاهم توصل لباب الروضه الشريفه من هذا الطريق
للنساء بعيد لان باب النساء في الجهه المعاكسه يعني تاخذ النساء نصف دوران على الحرم.
اثناء المشي من الفندق للحرم تجد بجانبك وانت بإتجاه الحرم مسجد غمامه ومسجد ابو بكر ومسجد علي بن ابي طالب
اعتبر موقعه جيد .
المبنى والاثاث لا بأس فيه ولا يصل مرحله الفخامه يستحق ٣ نجوم.
لوبي بسيط . واثاث عادي شوف الصور
استقبال النزيل للاسف موقفي معهم سلبي وحدهم نجمتين فقط من خمسه
اللي صار حجزت من بوكينج واكدت عليهم حضوري في اليوم المحدد قبلها بيومين تأكدت من الحجز واستغربت انهم ما يسحبون من الفيزا الا بعد الحضور عكس بقيه الفنادق وصلتني رساله عبر الايميل من بوكينك لتأكيد الحجز اتصلت عليهم للتأكيد وصلتني رساله واتس اب من الفندق لتأكيد وقت الحضور وارسلت لهم الوقت. بالضبط بعد هاتأكيدات كنت اضن وكنت اضن وخااااب ضني.
ان الغرفه جاهزه واتضح لي ان التكييف متعطل اتصلت لطلب الصيانه شرفنا في الغرفه وشغله وقلت له انه خربان يشتغل بشكل ضعيف والصيانه مصر ان سليم.. طولت في السالفه... ناخذ فاصل ونواصل.
حياكم الله في برنامجنا الاسبوعي نعود من جديد المهم طلعت وبعد ساعتين رجعت والمكيف البقيه في حياتك عطاك عمره اكلمهم بالوضع اقتنعوا بتغيير الغرفه وتم التغيير.
مثل هالحالات طالما الفندق عنده تأكيد بوصول العميل المفروض قبل وصول النزيل بساعه يفتح الغرفه ويشغل المكيف ويتاكد من النظافه الساعه اللي وفر فيها الكهرباء خسرها في تقييم وتعليق سلبي قد تصرف نظر النزلاء عن اختيار فندقهم والله لا يخسر مسلم ولكن امانه نقل المعلومه لغرض تحسين الجوده. وسلامتكم.
داخل الغرفه سخان ماء واكياس اصابع كابتشينو وشاي وقهوه.
المطعم: الافطار ٥٠ ريال للشخص الواحد يبدأ الساعه ٦ صباحاً حتى ١٠ في الميزانين

فطور منوع لا باس فيه لكن بعض الاشياء علب وليست طازجه مثلا قطع الفواكهه الاناناس والخوخ والعصائر البرتقال والمانجو والكوكتيل.
العامل هو من يعبي الصحن لك بعد وقوفك بجانبه واختيارك للاصناف
بإختصار تميز الفندق بموقعه ولطافه العاملين فيه.
فندق متواضع لا يصل الى ٤ نجوم.