جسلنا فيه مدة اربعة ايام وكانت الاقامة غير جيدة
لا توجد عناية بالنظافة ولم ياتوا العمال للتنظيف والممرات خارج الغرفة لا تنظف
اما الغرفة فأثاثها قديم لم يجدد
ولا توجد ادوات القهوة والشاي فقط غلاية الماء

بداية موقع الفندق قريب نوعا ما من الحرم. يعني يعتبر ثالث صف للفنادق من الحرم.. تقريبا تقطع ثلاث شوارع حتى توصل للحرم مدة المشي حوالي أقل من 10 دقايق.
كانت لي تجربة مع شخص بكرسي عجلات.. فكان الطريق متيسر ومجهز نوعا ما للوصول للحرم.. يعني الفندق مجهزة لدخول وخروج العربيات والشوارع فيها طلعات ونزلات للعربية( مكسرة احيانا بس تجمل) حتى لما تقطع الشارع في أماكن في الرصيف مفتوحة لعبور العربيات. الصعوبة إلى ممكن تواجهك لو احد عبيط موقف قدام الطلعة والنزلة.
الفندق على الشارع العام وبجواره فندق الانتركونتنتال دار الهجرة وفندق قصر الأنصار الجديد.
المواقف كانت متوفرة عند وصولي لكن وقت الخروج كانت فل وفي سيارات واقفة برا الموقف.

اخدت غرفة ثلاثية.. الأسرة كانت كويسة ماعدا واحد كان يطلع صوت مزعج.
المكيف ماشاءالله فريزر.
الغرف اثاثها قديم شوية بس كويس.
العيب الوحيد كان في النظافة.. تنظيف الغرف ما يجو بنفسهم حتى لو كنت حاط علامة تنظيف الغرفة.. اضطررت اكلمهم عشان يجو ينظفوا وما جو غير بعد المغرب.
حتى تنظيفهم كان سيئ.. يعني ما غيرو الشراشف و في منشفة كانت مرمية في الأرض رجعوها مرة تانية على رف المناشف بدون تغيير.

لو كان يهمك تعرف لازم تجيب معاك صابون وشامبو لأنه الموجود سيئ.

الاستقبال ليا تجربة معاهم.. في الشيك إن كانو حاسين وكان معايا موظف فجأة سابني وراح لشخص تاني خلص معاه ورجعلي بعدين.. فا زوقيا المفروض يكمل معايا بعدين يروح للتاني. اوكي صح اعتذر لما قلتله كيف تسيبني كدا. بس اعتبر الموقف مالو داعي.

غير كدا كانو متعاونين ومحترمين وحتى لما طلبت ليت شيك اوت ماقصروا.

بشكل عام مقابل المبلغ إلى دفعته( 275 ريال لليلة) والموقع المناسب اعتبر الفندق جيد وارشحه بس خلي بالك مع التنظيف.

فندق ممتاز من ناحية نظافة و الخدمة, و يحتوي على موقف سيارات تحتي. قريب من الحرم تقريبا 3 دق سيرا على الاقدام و قريب من الاسواق المطلة على الحرم. موضفو الاستقبال خدومون للغاية. لكن الغرف تظل صغيرة بالنسبة للسعر المرتفع نسبيا.