عن تجربتي خلال الفترة من 1/6 الى 5/6/2016
١. من الاول كده لما استلمنا الكروت ما فيش حد يوصلنا شيلنا الشنط وسألنا علي مكان الغرفه مع نفسنا
٢. الديفيس بتاع كارت الكهربا بايظ وده اكتشفناه بعد ما حاولنا عشرتاشر مره مع الريسبشن وونزلت بنفسي غيرت الكارت مرتين لحد ما اتدربت اعمل شقلباظات علشان اشغل الكارت وفي ناس قعدت من غير تكييف للساعة ٢ صباحا
٣. خدمة الغرف زفت من اول ما وصلنا لتاني يوم بطلب شاور جيل او صابون او اي حاجه ولا حد عبرني
وصلت انى لقيت برص وصورته على الحيطه قبل ما يدخل فى فتحة التكييف مع العلم ان العرفه مش دور ارضي
٤. المفروض يوميا لك ازازتين ميه في التلاجه الواقع بقى لازم كل يوم تزن عليهم علشان حد يعبرك بازازة
٥. المطعم بقى مبدئيا الجيست المصري لوحده والاوكرانيين والروس لوحدهم
٦. بالنسبه للحوم قسما بالله تحسها مخلفات مصانع اغذية وتبل وحمر واكل دول مصريين ،المكرونات ما شوفتش اسوء ولا في التجنيد حتى ،الجبن حاجه كده من اللى كنا بنشوف اعلاناتها الكيلو ب 10 جتيه , اكتشفت ان اول عشر دقايق في البوفيه بيكون فيهم اصناف حلويات تسلم ايده الشيف وبعدها بثواني بتكون اثر بعد عين
٧. المشروبات بقى الصبح كان في كوفي ماشيين واحده بس اللي شغاله في الاوتيل جوه المطعم وعليها طابور طويل ومكان الطابور قافل علي غلايه الميه يعني حتى ما يعرفش تشرب شاي واغلب الشباب اللي علي البارات تتمتع بقدر من البرود والتناحة يؤهلهم لكاس العالم في البرود
٨. نسمع اننا لنا سناكس وايس كريم الاسناكس والله اعلم في ناس شافوها في الاكوا بارك استغفر الله العظيم اما الايس كريم فاخطف رجلك لمدرسة حكومة فى منقطة شعبية هاتشوف وتاكل اقيم منه
٩. التوفير بقى في احقر صوره يتجلي في الكوبايه الشفافة البلاستيك الرقيقة اصغر حجم اللي بتشرب فيها ميه او عصير تانج يخليك تترحم علي العصير اللي اهل الخير بيوزعوه علي العربيات في رمضان او قهوة ونسكافيه بس اوعى تحلم ونسكافيه بعد الساعة ١٠ علشان شطبوا
١٠ اول يومين بالليل قولنا نروح نقعد علي البحر اقسم بالله كنت خايف علي اهل بيتي من الضلمة كحل بمعنى كحل لازم تتحرك بكشاف الموبايل رغم انه شاطيء الاوتيل بس الحمد لله امبارح حطوا كشاف واحد من الكريم والحقيقه فرق
١١. طلبت بطاريه للريموت من ٤ ايام بس لسه ما جتش ، ما فيش كلينكس في الغرفه ، خزينة المحفوظات مش شغاله والبطارية ضعيفه

الفندق لم يكن ممتاز حيث كانت به بعض الاصﻻحات ولكن بوجه عام جيد جدا
اﻷكوا بارك جميلة جدا و الانترتينمت تيم على أعلى مستوى ولكن عاملى اﻷمن والسﻻمة باﻷكوا أسلوبهم غير مهذب فعلى سبيل المثال فى بعض اﻷلعاب يفرضون أن السن ﻻ يكون أقل من 10 سنوات، مع ان ابنى الصغير سنه 10 سنوات ومع ذلك كانوا رافضين فى البداية انه يستخدم اﻷلعاب، وبعد ما عملت معاهم مشكلة وافقوا. مش عارف المفروض أخد معايا شهادة الميﻻد والا ايه، ثم ان احنا رايحين مخصوص لفسحة اﻷبناء.
بالنسبة للمطعم ممتاز جدا و أخص بالذكر مستر منصور مدير المطعم الذى كان متفانى فى عمله بصراحة فى كل اﻷوقات ليظهر بهذا المظهر الرائع والطعام متنوع باستمرار
طاقم الريسيبشن غير كفؤ بالمرة فبالرغم من وصولنا الساعة 12 ظهرا موعد التشيك ان استلمنا الغرف الساعة 30، 1 والغرف لم تكن نظيفة والخزنة عاطلة وبعض اللمبات فى الغرفة محروقة، وصديق لى كان المينى بار عنده عاطل وباب الغرفة ﻻ يقفل بسهولة. كل هذه المشاكل لم تحل بسهولة وأيضا حصل موقف سخيف جدا عند موعد الغذاء لم نكن قد استلمنا البرسلت الخاص بالمطعم وقال لنا العامل بالريسيبشن نتفضل ندخل المطعم ولكن عامل اﻷمن بالمطعم رفض مما تسبب لنا فى حرج شديد جعلنى أخرج لعامل الريسيبشن وبصراحة هزقته
يوجد لسان جميل جدا على البحر و لكن أنصح باستخدام أحذية البحر نظرا لوجود بعض الصخورعلى شاطئ البحر
حمام السباحة جيد والحفﻻت الليلية أول يوم كانوا جايبين رقاصة ليس عندها أى فكرة عن الرقص والناس رفضت تسقف لها فاتقمصت و سابت العرض ومشيت. أما باقى اﻷيام فالعروض كانت جميلة
عموما أنا تقييمى للفندق بوجه عام 75% وأرشحه لمن يريد كام يوم استجمام

فندق جميل جدا من حيث التصميم
النظافة كويسة جدا
الاستقبال عالمي وبيسلمك الغرفة لو متاحة وقت الوصول
الاكل معقول , بس كتير بيبقى مكرر
الاكوابارك تحفة والعابها كتيرة
الناس محترمة فى التعامل

نيجي بقى لاكتر حاجة جميلة فى الفندق وهيا الانيميشن تيم :
- رجالة زى الفل فى التعامل
- معاك دايما مش بيسيبوك تحس انهم اصحابك من زمان (اذا كان بودي او فوكس او بومبستيك والكبير ميجا)
- مجتهدين
- العروض اللى بيقدموها جميلة جدا
- كان فى بنت معاهم مش فاكر اسمها بس بنتوتة زى العسل وبتقدم فقرات بس للاطفال عجبني الاداء
ربنا يوفق الجميع
لو نزلت شرم تانى هروحو سواء انا او اى حد من الناس اللى كانو معايا