الغرف واسعه ومريحة المكان فخم جدا.البول تحفه.النضافة مستواها عالى جدااهم حاجا الاستاف رااااااااااااااااائع ممتاز .ودودين جدا اهم حاجة عندهم ارضاءك
.الشاطئ جميل اووووووووووووى
.بس العيب الوحيد الاكل سيئ .الواي فاي مش مجانى

السلام عليكم
احب احكي لكم تجربتي مع فندق
Aurora Oriental Resort Sharm El Sheikh
رحت فندق أوروا ريزولت شرم الشيخ مع جروب يوم ١٤أغسطس ثلاث ليالي اربع ايام
وكانت اول مشكله قابلتنا وهي استلام الغرف اتأخرو جدا في تسليمها لينا المفروض نستلمها الساعه ٢ ،،،ولكن استلمت الغرفه ٣ ونص وكمان لما اخدت المفتاح ورحت الغرفه وفتحت الباب لقيت فيها نزيل وطبعا رجعت الريسبشن واستنيت يشوفولي غرفه تاتيه
وفي الغرفه اتفاجئت ان الفوط مقطوعه وشكلها سيئ جدا والتكيف كان بيتم فصله بليل ده غير ان الاستاف اللي هناك مش كويسين اصلا بيتعاملوا بقلة ذوق مع المصريين والاجانب
تاني مشكله ودي كارثه ،،،،من تاني يوم المياه انقطعت واستمرت ليوم المغادره وطبعا معايا اطفال راجعين من البسين او البحر الاقي مفيش ميه وان جت تكون ضعيييييفه جدا ونتصل بالريسبشن يقولنا تحت الصيانه لدرجه ان اخر يوم المياه مجتش خالص والرسيبشن بيستهبل ويقول ازاي يا فندم مبلغتيش ليه ؟؟؟( امال انا كنت بتصل بمين )
ثالث مشكله كانت عند المغادره لما اتهمونا اننا اخدنا علبه بيره من الميني بار اللي احنا اصلا ماخدناش منه حاجه ده غير كان جوزي شاري سناكس لاولادي علشان الطريق وكان معاهم علبه سجاير مقفوله ملقنهاش ونقولهم اننا اللي اتسرقنا واننا ماخدناش البيره مفيش فايده ويردوا ببرود ووقاحه غير طبيعيه وطبعا الموضوع ده كان لما الباص وصل والفوج اللي معانا طلع الباص.
الموضوع كان هيطول ودفعنا الفلوس ومشينا لان الناس بذأت تضايق فاضطرينا نلم الموضوع مع ان جوزي كان عايز الشرطه وكده ولما رجعت بيتي فوجئت ان الهاندفري الاصليه بتاعه تليفوني اتسرقت هناك وكانت مقفوله مستعملتهاش للاسف ،،
هي اه اتسرقت حاجات يمكن بسيطه بس حركه دون المستوى انها تحصل في فندق المفروض انه خمس نجوم واللي مضايقني برضه اننا لمارجعنا من شرم كل الفوج اشتكى الفندق للشركه علشان متطلعش حد تاني هناك ويغيرو الحجوزات الجديده لاي فندق تاني بس برضه استعبطوا وعادي وفضلو ينزلوا اعلانات لنفس الفندق ولما دخلت صفحتهم اقولهم الفتدق وحش مسحوا الكومنت بتاعي وده بعتبره غش