منتجع بجنن ... كل شي فيه جميل منذو لحظه الدخول... من ناحيه الاكل بجنن ... الموظفين خلوقين ... المكان منظم ... متعه التغير هناك ... المسبح بجنن والعاملين هناك ايضا والمطعام لذيذه ... الايام تمشي بسرعه ... من كثره المتعه

مش عارف من وين ابدا ، كان كل شي بجنن و رائع و مريح و نضيف و انيق و زوء.
من حد ما وصلنا كان الاستقبال سريع و كننا تعبانين بس الرسبشن خلصنا بسرعة و لما طلعنا بالقولف كار عرض علينا السواق جولة عشان نتعرف عالمكان، ومع اننا تعبانين بس الفضول خلانا نوافق.
عجبنا المكان كتير و المسابح صراحة كانت حلوة و بدل ما ننام نزلنا اغراضنا و طلعنا عالمسبح عطول.
كان في امور كتير خلتنا نشعر بالراحة و انبسطنا و حسينا حالنا بحلم. المكان كان كتير نضيف لدرجة انو الحمام العام اللي كل شوي بيدخلو حدا كان بيلمع و مرتب حتى بنص اللليل
كان مسئولين تنضيف الغرف كل يوم يعملولنا اشكال و ورد على السرير بدون ما نطلب منهم.
عندهم عيادة فيها دكتور شاطر كتيير مش اي كلام قعد معي نص ساعة عشان يفهم مشكلتي و يقرر شو يعطيني دوا.
كان دكتور رائع
حتى تغيير العملة عن طريق صراف لبنك موجود بالاستقبال و ما في محاولات استغلال
حجزنا رحلة غوص و بيومها كان في هوا و موج عالي و التغت الرحلة و رجعولنا فلوسنا بكل سهولة و بدون اي تغيير
مطاعم متنوعة عالعشا و كلها رائعة
كل شي جوا ببلاش و ما في محاولات استغلال ابدا
طبعا اذا طلبت شي للغرفة عليه تكلفة بس ما بتحتاج لانو دايما في مكان بديل لو راح عليك الغدا او الفطور او العشا
بشكر كل اللي شغالين على الزوء و الضيافة و الادب
بشكر الادارة على هيك مكان و على مجهوداتهم لوصلو لهيك نتيجة
من كل قلبي انا بحكي انو احسن منتجع رحت عليه بحياتي

غرفة ١٥١٠١
محمد و راية