الخدمة ممتازة جداً والناس متعاونين خالص ومحترمين
الأكل رائع ومتنوع (اسماك ولحوم ) وفواكه بأنواعها (بس ملقتش مانجا :)
والمطعم جميل والشيف بتاع المشوي تسلم إيده بجد.
فيه مشاريب طول اليوم سخن وبارد
الغرف نظيفة جداً وبيتم التنظيف بإستمرار والحمام نظيف وفيه مناشف بزيادة.
حمام السباحة جميل والاطفال والكبار بيبلبطوا من بدري ( بيقفل ٥ )
الأكوا بارك معقولة روحتها مرة واحدة وملعبتش كل الألعاب (بتقفل الساعة ٥)
من أكتر الحاجات اللي حبيتها في الفندق هي فريق الأنيميشن والبرامج بتاعتهم والأشخاص نفسهم عندهم روح عالية خصوصاً اللطيفة بزيادة (نور) والمَرِح جامايكا :).
*الفندق صف تاني يعني ملوش شط عالبحر بس عندهم اتوبيسات بتروح الشط كل نص ساعة في (باروتيل بيتش) والشط هناك جميل جداً .
* التسكين بيبقى الساعة ٢ بس كلمناهم وسلمونا الغرفة قبل ٢
*مفيش جامع في الفندق.
676
111
60
43
103
