ماشاء الله تبارك الله اولا المعامله هناك هايله من اول دخولنا الفندق من
اعلى شخص لاصغر شخص بيخدموك بحب وبشاشه حمامات السباحه كتيره وجميله واللاجون والاكوا بارك تحفه حفلات كل يوم وونس الاكل متنوع وجيد جدا سواء الغداء او العشاء او الفطار حتي الحلو والفاكهه كل حاجه هتلاقيها واخص بالشكر استاذ عادل مدير الريسبشن واستاذ ناصر وكل ستاف الريسبشن والمطعم و الكافيتريا حتى العاملين على حمامات السباحه والنضافه سواء فى الفندق او الاخص نظافه الغرف حرفيا استمتعت واتمنيت يكونوا ١٠ ايام مش ٤بس شكرا جدا لكل العاملين

عايزة اكلمكم عن تجربتنا احنا عيلة في الفندق
فالبداية من اول دخول الفندق .. اجمل حاجه استقبال الستاف و بشاشة وشوشهم والتسهيلات اللي بيعملوها لراحتنا
وبعد ما اتسكنا ما شاء الله الغرف كبيرة ونضيفة ومبهجه وكل الخدمات فيها من مشروبات ترحيبية و سخن وساقع وماية وما شاء الله علي نضافة الحمامات كل ده صراحة عشان التنضيف للغرف بشكل يومي و كمان الاستاف بيتصل يطمن هل الخدمة اتقدمت وراضيين عنها او لا
مفيش مشكلة ابدا الا وبتتحل براحه
المطعم ما شاء الله كبير جدا والاكل متنوع وستاف المطعم كلهم ناس قمة فالاحترام والزوق والتعاون والوشوش البشوشه دايما
حمامت السباحة واسعه كتير نضيفة وعليها مشرفين كتير فكب مكان والاكوا بارك كانت ممتعه للاطفال وللكبار والووتر تاكسي بيمشي فاللاجون متعة تانية .. وخدمة توصيل النزلاء للبحر والعوده او توصيلهم للاكوا بارك
بخصوص السناكس والمشروبات متاحة فكل مكان وكتير والناس بترحاب دايما بيقدموها والتنضيف مستمر فكل مكان مستحيل ترصد مكان مفهوش مسئولين وعمال نضافة و مشرفين ومنقذين
كنت اتمنى امد اجازتي اكتر للاستمتاع بالمكان اكتر .. وان شاء الله اكرر التجربة الجميلة دي تاني ويا رب يكونوا بنفس استقبالهم الجميل ده دايما

شكر خاص لكل الاستاف الموجود هنا بداية من الاستاذ عادل والاستاذ نصر و كل الناس الجميلة اللي اتعاملنا معاها من غير ما نعرف اسمها .. اتمنى لكل الناس تجرب المكان للراقي ده دايما