تقييمي للمكان ٥/١٠ دة بالكتير
للأسف كنت قعدت في البيت اكرملي بس الحمدلله تمام يعني الناس الحلوة اللي معايا خلت الحكاية تعدي
الغرف: واسعة جدا و العفش جديد لان الفندق جديد بس للاسف استلمناها مش نضيفة يالمرة فظبطنا ال house keeping بقت كويسة.. لقينا بالليل حشرات بالحمام و برص محترم في الاوضة.
التسكين: مفيش welcome drink , وزعونا و عيلة تانية منعرفهمش عالغرف لوكشة كدة مع بعضينا فطلعنا الدور التاني و بعدين نزلنا عالسلم لغاية ال ground floor 🙃
الاكل: شكل الأكل مكنش لطيف للأسف بس للأمانة كان فيه يوم واحد العشاء كان معقول و فيه شوي. مبيتعملش refill لمعظم الحاجةو الناس الموجودة بياخدوا كميات فوق طاقة الفرد.
Late breakfast: مكنش فيه اساسا زي ما مكتوب في الورقة بس لما سألنا و اشتكينا فجابوا كرواسون بس و كان طعمه حلو.
Snacks: نوع واحد مثلا هوت دوج او برجر فراخ.. الهوت دوج اللحم المستخدم مش عاجبني و بيحطوا نص واحدة سوسيس و فيه ايس كريم عبارة عن مية متلجة
المشروبات: طلبت اسبرسو جابلي instant coffee و حطه في كوباية و سألته هو مفيش beans او قهوة طبيعية قال لي لأ و الماشين نفس الوضع قلت بس خلاص حيبقي عالأقل فيه موخيتو اشربه لقيته جايبله ميكس حاجات كدة مسكرة مع بعض مش مفهومة (عصائر معلبة او اقرب للتانك)
رحت للمدير بالكوكتيل العجيب و قولتله عاللي موجود في الفندق بتاعه ككل فقال لي احنا بنتقارن ب rixos و four seasons و steigenberger و Jaz فاعتبرت انه ملوش لازمة الكلام و ان ال standard cocktails دي لل ultra فقط وان الاكل ممتاز فخلاص تمام هو اصلا حيحل ايه و لا ايه لما يكون كله بايظ بس خسارة الفندق لسة جديد و الللاجون جيدة و يبقي دة اللي موجود! 😶😶😶
Aqua park: حلوة جدا الولاد انبسطوا بس ساعات كانوا بيقفوا في النص في لعبه محددة فكان الراجل بينزل شوية مية و المرة الاخيرة نزلوا بنفسهم و فيه artificial waves لطيفة.
Animation: جيدة Pedro و Noosha كانوا عاملين جو كويس بس هما اكتر للاطفال مفيش شغل مع ال adults قوي
.طبعا مفيش مناديل بالحمامات العامة و قذرة قوي.

الفندق جميل جدا والاستاف ممتاز
و الوقت اللى قضيناها هنا بصراحه كان رائع فريق الانميشن ممتاز و عروضهم كل يوم بالليل رائعه جدا حمام السباحه جميل و نضيف دايما الريكريشن اللى ع البول ناس كويسه اوى الاكل فى المطعم لذيذ و طازج كل يوم شكرا جدا على الوقت الجميل ده نشوفكم قريب