بصرحة اول مرة اتيت الي الفندق، في انميشون حلوة جدا، غرف نظيفة ، استقبال هائل، و انشالله ساعود ثاني الي رويال البتروس مودرنا ، العاملون ممتازون ومحترفين في اداء اعمالهم
ويوجد كل يوم برامج ترفيهيه مختلفه ومتميزه من فريق عمل رائع

السيد المحترم وزير السياحة و الاثار
اتقدم إليكم بشكوي ضد Batros Moderna شرم الشيخ ضد معايير تصنيف فنادق ال 5 نجوم و قد تعرض حياة الرواد آخرين إلي الخطر فأرجو من سيادتكم ان تكون تلك الشكوي في حيز اهتمامكم و اخذ اجراء سريع امام التهاون و التسيب المشين في هذا الفندق
حتكلم بصدق عن تجربتي في الباتروس موديرنا
الوصول الساعة ٤ونص العصر يوم ٢ اغسطس
نوع الغرفة، Family room
ثمن الغرفة ٥٧٠٠لليوم all inclusive
رقم الغرفة (518) في اخر الفندق علي الجانب الايمن و يطلق عليه مبني الخمسميات
هذه الغرفة خارج معايير الأمن و السلامة سواء كانت تخص الكوفيد 19 او امن و سلامة الاطفال او الرواد و بناء عليه
طبقا لحجزي فنحن 5 افراد داخل غرفة واحدة و بنائا عليه يجيب مراعة التباعد اللازم بيننا و بين اطفالنا و لكن علي العكس لم نجد هذا فما يفصل الغرفة عبارة عن بابا جرار لا يصلح للاستخدام الآدمي بالإضافة الي ذلك ان الغرفة المغلقة هذه غير مكيفة فكيف لي يا فندم ان افصل اطفالي عني في غرفة بدون تكييف في نفس الحيز و في اجواء حرارية تتراوح الحرارة فيها ال 45 و ال 48 درجة
و اضافة للشكوي بإنني وجدت الباب لا يغلق و استدعيت الصيانة للتصليح و تم التصليح في تمام اساعة الخامسة و نصف بعد وصولي و بالتالي قد انتهي اليوم الاول بالشكاوي عن تغيير الغرفة و سوء النضافة و عدم التعقيم و بالرغم من ذلك كان الرد (للأسف يا فندم مفيش غرف عندنا غير الغرفة دي ) و طبعا كنت مضطر اني اقبل بسبب رحلتي الشاقة من الاسكندرية لشرم الشيخ و لعدم تعكير صفو اولادي
اسمحلي اكتب باللغة العامية لما فيها سهولة علي في الشرح
بداية من اول الاستقبال, الغرفة في آخر الفندق خالص عند الشاطيء و تبعد من الريبسشن حوالى ١٢ دقيقة مشي و طبعا دا بالنسبالي مشوار بعيد جدا عن كل الخدمات سواء المطاعم او منطقة الالعاب التي تقع خلف الفندم و في ظل الاجواء الساخنة بمشي حوالي تلت ساعة و مفيش اي عربيات خدمية لنقل الرواد من مكان الي الآخر إلا عربية واحدة بنقل الشنط

نضافة الغرفة ، اول ما دخلت شعر و قرف و ريحة لا تطاق و لا كإن في اي فريق نضافة للغرف و لا حتي يوجد الاساسيات الطبيعية للغرفة ( مناديل – شامبو- طفايات- حتي الثلاجة كانت عطلانة

نيجي للأكل، والله العظيم الاكل يوميا نفس المنيو و نفس الاكل هوهو مش بيتغير حتي أصناف الحلو و الأكل في منتهي السوء لدرجة ان كلنا جالنا اسهال و انا اسف في الكلام دا من تاني يوم
نيجي بقي بمعاملة الناس، اللي بتشتغل، و الله اكني باكل في مصيف عام،. كل واحد بتطلب منه طلب عايز ياخد منك تبس، كل سنةوانت طيب ياباشا و لا كاني في hotel 5 stars
المسافات في الفندق كل حاجة بعيدة عن بعض، يعني انا لو عايز انزل البحر. ، بمشي مسافة كيلو عشان اوصل للبحر في حوالي 19 دقيقة و من الغرفة لللوبي 12 دقيقة و ال اكوابارك تقريبا مشي 19 دقيقة داخل الفندق تجربة مريرة مقضي حياتي مشي جوا الاوتيل يعني عايز تريح كل ربع ساعة بعد ما توصل لكل مكان جوا الفندق التقسيم و التوزيع و التخطيط الداخلي خاطيء
حصل معايا موقف،. انا راجع باليل من برة و انا راجع دخلت علي بار الريسيبشن، لقيته فاضي، المهم انتظرت لحد ما حد ييجي و ببص برة لقيت واحد بيشيل حاجات برة فا بسالو هو حضرتك هنا، قالي ثواني،.... انتظرت دقيقتين، و ناديتو تاني. لقيتو حاتط سماعات في ودنو و بينفخ، قلتلو انت يتنفخ ليه،. نديت المدير و قولتله،. و طبعا معلش يا فندم ضغط الشغل،.
الموقف الغريب اوي اوي اني كل يوم ارجع من برة الاقي تكييف الريسيبشن مفصول و الجورنااااااار والله العظيم دا اللي بيحصل
واحد تاني و انا بطلب منه علي البار بتاع الpool لقيته بيتريق علي واحدة اجنبيه بيقولها خدي يا حنااااااااان
و لما اروح البحر و اسأل الناس اللي هناك علي مياة،. يقولي المياة دي بتاعتي يعني يقصد اني اشتريها منه او ارضيه، كل دا المفروض انه فندق ٥ نجوم
فعلا تجربة سيئة بالنسبالي و مش قادر اكتب كل حاجة بس انا حقيقي مش مبسوط الفندق لا يقدر بمعايير ال5 نجوم نهائيا ،. انا كل سنة بروح فنادق، صن رايز و tropital و ريكسوس حاجة في منتهي الاحترام
اخر حاجة و دي اللي خلتني اعمر ال review دا
اتصلت بالريسيبشن وقت الفطار الساعة ٩ الصبح، و طلبت منه لو ممكن حد يبعتلي طبق كيك و كرواسون عشان المسافة بعيدة و مش حلحق اوضب شنطي و شنط الاولاد عشان نروح و نرجع فيها ساعة و نص و مش حنلحق، حولوني علي الروم سيرفس، و طبعا وضحتلو ان عندي طيران و مش حلحق،. قالي هو حضرتك VIP؟؟؟؟؟
قلتلو مش فاهم يعني ايه قالي حضرتك لو جالك اي حاجة الغرفة حتبقي a la card
قولتله بصراحة انا عمري ما شوفت مستوي متدني كدا من الخدمة و قفلت و بعت ايميل علي الويبسايت بالشكوى دي
لقيت المدير بيكلمني، قالي احنا اسفين يا فندم و مجهزنلك لانش بوكس تاخدو معاك و ليموزين للمطار و روحت و حكيتله كل اللي حصل معايا كان مش قادر يرد عليا و مش عارف يعتزرلي ازاي كل دا بس عشان قلقان اشتكي و اقول اللي بيحصل جوا الفندق
قولتله اشكرك بس انا مش عايز حاجه و مش جاي هنا تاني و دا يكفيني اني احكيلك كل اللي حصل معايا
و مشيت و دلوقتي في المطار
ارجو منكم اخذ رد فعل صارم معهم و اريد ان اوضح لسيادتكم اني غير راضي تماما و انني في قمةاستيائي لهذه الرحلة مع توضيح ان معظم الصطاف يعاملون الرواد بقمة التدني و لا يرغبون بحضور المصريين للفندق و هذا ما رايته مع عدم حرصهم علي تطبيق معايير السلامة للكوفيد و اترك لكم هذا الامر بعد التفتيش و التأكد من صحة مع ارسلته لكم .

من احسن الفنادق اللى نمكن تروحها فى شرم الشيخ من حيث النظافة ومن حيث المطاعم نظيفة جدااا والاكل على اعلى مستوى وفريق الانيميشن محترف جدااا ومحترمين وجميع العمال بالفندق محترمين والغرف على اعلى مستوى من النظافة وحمامات السباحة جميلة جدااااا