ياجماعه الكومنتات ال مكتوبة وبيقولو انه حلو و رائع دول بيجاملو
اولا الفندق مساحته صغيرة جدا وهو حمام سباحة واحد ال ظاهر ف معظم الصور وواحد تاني ال عند الاكوا بس مفيش حمامات تاني
ثانيا الغرف وحشة جدا جدا وعفشها قديم وخدمة الغرف ميعرفوش اى حاجه خالص اخرهم بيمسحو الغرفة ويغيرو الفوط مفيش ملايات بتتغير بس التكييف الوحيد ال حلو ف الغرف
ثالثا الاكل بقي وحش جدا وريحته وحشه جدا جدا ال بيفكر يروح ياخد معاه مطهر للمعده ومفيش سناكس الاسناكس بفلوس من المطعم ب 25 جنيه 3 سندوتشات وفي شيفات واقفه بتوزع الاكل ويديك قطعه واحده بس من اى حاجه اذا كانت لحمة او فراخ ومينفعش تاخد تاني
رابعا فريق الانيمشن شوية متسولين وبيعاكسو البنات وعروضهم كلها سفالة وقلة ادب ومينفعوش اصلا ف اى حاجه لو حد معاه بناته او مراته يخلي بالو عليهم من الانيمشن
خامسا الاكوا هما لعبتين وليهم مواعيد مش طول اليوم من الساعه 10 ل 12 ومن 2 ل 4 وكل واحده فيهم بتشتغل ساعه واحده بس مش الاتنين مع بعض وحمامات السباحة بتشتغل لحد 6 بس
سادسا بيدوك 2 زجاجة مياه صغيرة اول ما بتوصل بس لما بيخلصو بتنزل تملاهم من الكولر ومفيش غير بار واحد ال بيشتغل طول اليوم واخره 12 بليل بعد 12 بفلوس وواحد تاني ع حمام السباحة بيفتح ع 11 وبيقفل 6 بس مفيش بارات تاني
سابعا الشاطئ الفندق ماجر شاطئ مش مخصوص يعني ممكن اي حد يدخله وهتلاقي ناس كتير فيه ومفيش اى اكل او شرب هناك والرملة وحشه جدا وخشنة جدا بتعور رجلك والباص بيروح الشاطئ ف نص ساعه
تسليم الغرف بيتاخر جدا انا استلمت الغرفة كانت3.30 واليوم ضاع عليا
معلومة الفندق كان مقفول وده اول صيف يشتغل فيه ومفيهوش اجانب كله مصريين..

فندق سئ الحجرة بها حشرات . الاكل سئ . معاملة العاملين غير مريحه ولا امان لهم . الحسنه الوحيدة في هذا الفندق الذي لايستحق ولا نجمه الانيميشن مجهودهم كبير وبيحاولوا يغيروا الجو علي قد مايقدروا غير كده كله سئ

قريه بالميرا انا كنت خايفة من التعليقات لان التعليقات كلها مش كويسه بس الصراحة هى قريه حلوة وطاقم العمل كله ممتاز وبشوش الشيفات على طول مبتسمين والاكل حلو وفريق الانيميشن عامل جو حلو جدا للقريه الصبح بيلعبو مع الاولاد فى البسين وبالليل المسرح الرومانى عروض حلوة جدا ميرسى جدا للفريق امير وفخرى وسليم وماجد والمشروبات على البسين كتير ومتنوعة ميرسى يا بيتر على المشروبات الجميلة