قسم الاستقبال لا يمت للسياحة بصلة
الغرف لا ترقى لفندق 5 نجوم من وجود نمل وبرص
حمامات السباحة تحفه والاكوا والبحر غير جيد بالمره
العاملين بالمطعم والبارات غاية في الروعه
الاكل من احسن الفنادق التي تعاملت معها في حياتي
لولا الاستاذ ناصر ما اكملت الرحلة مدير الاغذية والمشروبات
متمكن ومخلص لعمله وفاهم سياحه قوي ويتعامل كأنه مالك الفندق شكرا لك
عفوا يا فندم...ازاى اداره فاشله و العاملين بالمطعم و البارات روعه...و ازاى فاشله و ألأكل من أحسن الفنادق اللى تعاملت معها فى حياتك! و ازاى ادارة فاشله و ألأستاذ ناصر من المديرين اللى الفندق بيعتمد عليهم اعتماد كلى فى حاجات كتير جدا نظرا لتميزه و احترافيته فى عمله. كان ممكن يا فندم تحدد فى نقاط محددة ما لم يعجب حضرتك من وجهه نظرك و بكده تساعدنا ان لو فيه حاجه سلبيه نتلافاها او نعدلها...انما على المطلق اداره فاشله و ريسيبشن فاشل ...
و بالنسبه لنمل فى الغرفه , ده ممكن يحصل بشكل عارض فى اى فندق , و اوءكد ان حاجه زى كده كل عده اسابيع لما يجيلنا شكوى من شىء مماثل . لأن عندنا فريق مكافحه فعلا متميز و بيستخدم تقنيات عاليه جدا فى المكافحه .
تحياتنا لحضرتك
الفندق فى العموم عادى بس الموكد استحالة انصح بيه حد او اروحه تانى
الغرف الاثاث قديم والتكييف طلع مش شغال واما اتخنقت غيروا الغرفة طلع الباب مش بيقفل والنظافة بالطلب وعامل النظافة هناك حسسنى انى فى بانسيون اما طلبت مياة قالي ليك زجاجة واحدة ولو عاوز اكتر امر بس طبعا بنظرة اى مصلحة منك
و اما كلمت الاستقبال يقولك دة سياسة فندق بالرغم انى دافع فطار غداء عشاء مشروبات سناكس طبعا المشروبات تانج وحاجة غريبة اسمها ايزى كولا كرهتنى فى الحاجة الساقعة اما عن السناكس فمن 12.30 الى 4.30 فى نفس مواعيد الغدا يعنى اتغدى واطلع اكل سناكس وباقى اليوم مفيش اما عن مطعم الاكوا زبالة كبدة زبالة كفته زبالة لا طعم لها بعد اما كلت فيه كرهت الاكل كله وبالتالى قضتها حلويات الى برده دون المستوى
بيعملوا برده عروض باليل بس دون مراعاة لعادات المصرية يعنى فى يوم العرض كان عبارة عن انا البنات عبارة عن الات موسيقي فى ايد الرجالة بتوع العرض وطبعا قلة ادب بالعبيط
المياة الى بتشربها فى كل اماكن الفندق مش معدنية وشكل التانج وهوة بيتحط فى مكن المشروبات مقرف
ازبل حاجة شوفتها اما تشرب فى كوباية بلاستيك على الاكوا ويغسلها تانى ويقعد يلمها من على الارض بس بلاستيك مقوى للامانة بس برده زبالة
طبعا وانت داخل شيل انت شنطك عشان بيقولك قدامك مش اقل من نص ساعة عشان يوديهم الاوضه
الاكل دون المستوى ومفيش جودة يعنى مرة لاقيت طماطم بايظة وقلتله وعادى سبها برده
باح الخير
بالنسبه للمياه فى الغرف ده فعلا سياسه فندق ان كل يوم بندخل زجاجه مياه معدنيه كبيره للغرفه , غير كده البارات فى كل مكان و بتقدم مياه معدنيه (و فيه بارات بتشتغل 24 ساعه و بتقدم كل المشروبات )
بالنسبه لنوع العصائر, بنقدم نوع من العصائر اسمه دريم, غير وارد اننا نقدم عصائر طبيعيه فريش, حضرتك احنا مش فندق فاخر , سعره الاف فى الليله, احنا فندق بيقدم خدمه جيده جدا بسعر معقول جدا جدا . لو حضرتك هتحب يكون فيه عصائر طبيعيه فى البارات فممكن نرشح لحضرتك فنادق بيكون سعر الليله فيها يتعدى ال 2500 جنيه .
بالنسبه للأكواب على حمامات السباحه ديه اكواب اكليريك و ليس بلاستيك و ديه سعرها اغلى من الزجاج و يتم غسيلها و كل فتره بيتم تكيهنها و استبدالها بأخرى . و الحكمه من استعمالها هو امن و سلامه النزلاء لأن لا نسمح بأى اكواب زجاج فى مناطق حمامات السباحه لأن لو كوب اتكسر قى منتهى الخطوره.
و فيه نوع تانى من ألأكواب البلاستيك و هى اكواب المره الواحده و موجودهن فى كل البارات لو حضرتك مش عايز اكريليك.
بالنسبه لعروض الأنيميشن لو مش مناسبه مع حضرتك ممكن متشاركش فيها , لكن لم يصلنا اى شكوى بخصوصها , و ديه عروض تناسب كل زبائن الفندق من الجنسيات المختلفه. و ديه طبيعه شرم الشيخ, و أكيد فيه اماكن لتقضيه ألأجازه فى مصر مفيهاش عروض للأنيميشن لو شرم الشيخ غير مناسبه لحضرتك.
و مع ألعتراض الشديد على استخدام كلمه " ازبل" فندق ريجنسى بلازا يا فندم مفيهوش حاجه تتوصف بالوصف ده يا فندم .
و بعدين السناكس على الشاطىء و االأكوا بيكونوا لفتره كبيره جدا و كافيه من 12:30 ل الساعه 4:30
و ده لأى نزيل مش عايز يروح مخصوص للمطعم الرئيسى وقت الغداء فبيقدر يتغدى على البحر او فى ألأكوا! و برضه لو نزيل ملحقش بوفيه الغداء اللى للساعه 3 فبيكون عنده لسه السناكس للساع:30 4 اللى هيا (شاورما-هوت دوج- همبورجر- كبده )
تحياتنا
انا بشتغل فى مصر للسياحه وعملت رحله لجروب 100 فرد وكانو الحمدلله مبسوطين جدا وجميع العاملين بالاوتيل كانو متعاونين للغايه بداية من مستر اشرف مدير التسويق الذى تم الاتفاق معه على الحجز ومتابعة التنفيذ مع مستر مارك شخصيه محترمه جدا جدا ومستر عمر فى الريسبشن كان متعاون جدا وتم تسكين الجروب فور الوصول والحمد لله الرحله تمت على خير وبشكر كل القائمين على الفندق ودائما فى تقدم
نشكر حضرتك جدا يا فندم و نتمنى دايما نكون على نفس المستوى :) تحيات الجميع العاملين بالفندق :)
مشاكل في باب الغرفه كان لايفتح باب الحمام ممكن يقفل عليك جوه الشطافه مش مظبوطه انا مش جي علشان اتعكنن او كل شويه اتصل علشان مشكله في الغرفه مطعم اورينتال لما حجزت فيه اكل سيء مسالناش علي طلبتنا حتي نزل الاكل وخلاص طلبت بيبسي بعد العشا اللي كان معظمه كبده قالي مينفعش هو عصير تانج برتقان
شىء وارد أن يحصل أى طارىء بالغرف و بمجرد ألأبلاغ بيتم التصليح أو تغيير الغرفه فورا منعا لضياع وقت النزيل فى انتظار الأصلاح, و ده شىء ممكن يحصل فى أى فندق. تحياتنا لحضرتك
اسوأ فندق فى شرم. النضافة منعدمة يعنى صراصير ونمل فى الغرفة.. يعنى اطباق بتلزق فى المطعم..والاكل حاجة سيئة جدا وبعض الحلويات ريحتها فاسدة .. انا روحت فنادق قبل كده فى شرم خمس نجوم واربع نجوم كمان ومفيش مقارنة بينهم وبين المستشفى الحكومى التى يطلق عليها ريجنسى بلازا
We are very sad to read this comment , we really will consider each point and double check everything in each department you wrote about. Always Regency Plaza had a good image and we are looking forward always to keep this image.
