دي تجربتي في فندق ريجنسي بلازما شرم الشيخ
اولا الفندق المفروض مصنف 5 نجوم لكن في الحقيقة كتير عليه 3 نجوم
١- اولا اللوبي حر جدا والتكييف كان مش شغال سواء في الدخول او الخروج
٢- عملية تسجيل الدخول كانت صعبة جدا وفي واحد كده واقف عند الرسيبشن بيحاول ينظم الموضوع وبعد ما اخدوا البيانات خلونا نروح نتغدا الاول وبعدين نبقى نستلم الغرف
٣- الغرفة كانت متوسطة جدا فيها تليفزيون صغير جدا ومفيش اي قنوات ترفيه وكمان مفيش ريموت !!والخزنة كانت مش شغالة وزجاجة مياه واحدة وكام كيس شاي ونسكافيه والحمام فيه بس ٣ عبوات شاور جيل فقط !!
٤- حمامات السباحة معظم الوقت غير نظيفة والاكوا بتشتغل ساعة ونص بس الصبح وساعة ونص العصر وكمان فيها لعبتين عطلانين
٥- الاسناكس والمشروبات بقى حاجة بشعة والعصير طعمه سيء والبيبسي سخن والمياه سخنة والاسناكس شوية برجر شكلهم غريب ومفيش بطاطس محمرة !!
٦- الاكل في البوفيه كان قليل جدا واصناف تعبانة جدا جدا ومكررة والسلطات تقريبا مفيش غير طحينة وسلطة خضرا وشيء جدا يشبه الكلوسلو
٧- العاملين بقى اسوأ واسوأ لو طلبت مثلا كوباية عصير او بيبسي او آيس كريم تانية كإنك قتلت عيل من عياله ويبصلك نظرة كلها شر
٨- النظافة عموما كان مفيش اي اهتمام بيها وروائح كريهة في كل مكان
٩- الشاطئ طبعا صخري وفي ممشى طويل لغاية المكان إللي ممكن تنزل فيه بس غريق شوية وفي اسماك جميلة شوفناها ( الحسنة الوحيدة )
الملخص بلاش الفندق ده ولو ببلاش
2,706
1,134
578
325
351
