لقد لاحظنا أنك تستخدم مستعرضًا غير معتمد. لذا، قد لا يتم عرض موقع ويب Tripadvisor بشكل صحيح.نحن ندعم المستعرضات التالية:
Windows: Internet Explorer, Mozilla Firefox, Google Chrome. Mac: Safari.
اتصل بمكان الإقامة للاستعلام عن مدى التوفر.
تتوفر فنادق مماثلة.
طالع الكل
الفنادق القريبة
التعليقات (6,476)
تصفية التعليقات
6,476 نتائج
تقييم المسافر
3,474
1,853
738
262
149
تصنيف المسافر
الموسم
اللغةكل اللغات
المزيد من اللغات
تقييم المسافر
3,474
1,853
738
262
149
طالع آراء المسافرين:
عوامل التصفية المحددة
تصفية
جارٍ تحديث القائمة..
21 - 26 من 6,476 تعليق
تمت كتابة التعليق في 28 سبتمبر 2017 عبر الأجهزة المحمولة

من احسن الفنادق ف شرم الشيخ والرأى دا عن سابق تجربه مع فنادق تانيه بجد انبسط فيه بالخدمات المريحه جدا والتعاملات هناك بكل احترام وهدوء وكانت اجازه ممتعه وطبعا مش هنسى احلى ناس قبلتهم هناك الانيميشنز المحترمين بودا & جاك & ماك

تاريخ الإقامة: سبتمبر 2017
نوع الرحلة: سافرت مع العائلة
أشكر Mohamedhegazi
يعبر هذا التعليق عن رأي شخصي لأحد أعضاء Tripadvisor ولا يعبر عن رأي شركة TripAdvisor LLC.
تمت كتابة التعليق في 21 سبتمبر 2017

فندق زباله جدا جدا اسوء فندق في شرم لايستحق نجمه واحده & الاداره سيئه جدا جدا وبيعاملوا المصريين بقله ذوق والمطعم يقرف رائحه الطعام مقرفه واكل بايظ والهاوس كيبينج قليلين جدا جدا عشان ينظفوا الغرف بيجوا بالليل غير ان الغرف مش نضيفه بالمره وتحت السرير تراب جامد مفيش اهتمام نهائي للاسف والحمام لقيت فيه صرصار كمان منتهي القرف ده غير التكشيره اللي مرسومه في وش كل واحد شغال هناك غير الاهمال كمان
ابني ملا مياه في زجاجته الخاص به من المطعم م الكولدير اخذها منه الويتر وفضاها تاني في الكولدير واتخانق مع ابني بقله ذوق ازاي يفضي الماء من زجاجه مكان ما بيشرب فيها ويفضيها والناس تشرب بعده!!!!!!!
ايه الاهمال ده ياريت محدش يروح الفندق المقرف ده & لا اكل ولا خدمه ولا معامله كويسه

نصيحة حول الغرف: فندق سىء للغاية
تاريخ الإقامة: سبتمبر 2017
  • نوع الرحلة: سافرت مع العائلة
    • القيمة
    • الغرف
    • الخدمة
أشكر dodyziady
يعبر هذا التعليق عن رأي شخصي لأحد أعضاء Tripadvisor ولا يعبر عن رأي شركة TripAdvisor LLC.
تمت كتابة التعليق في 12 سبتمبر 2017

هذا المنتجع من افضل الاماكن التى قمت بزيارتها و ذلك من حيث حسن الاستقبال و الضيافة و نظافة المكان بصفه عامه مع وجود اسرار من ادارة هذا المكان على تنوع المأكولات مع تدنى الاسعار و احب ان اشكر مستر طارق احمد مدير عام المنتجع على وجوده الدائم لمتابعة راحة النزلاء و سوف اعاود الزيارة فى شهر فبراير القادم ان شاء الله

تاريخ الإقامة: سبتمبر 2017
  • نوع الرحلة: سافرت مع العائلة
    • الموقع
    • النظافة
    • الخدمة
أشكر farh200023
يعبر هذا التعليق عن رأي شخصي لأحد أعضاء Tripadvisor ولا يعبر عن رأي شركة TripAdvisor LLC.
تمت كتابة التعليق في 5 سبتمبر 2017

بداية تعاقدت مع شركة الهنا هوليدايز بميدان عبد المنعم رياض و حجزت لنا غرفة دبل تكلفة الفرد 1400 جنيها و الطفل 720 نهاية اغسطس 2017 اقامة كاملة وللاسف تكييف الباص اتعطل و وصلنا شرم بعدرحلة سفر استغرقت 14 ساعه من الارهاق و البهدله و فوجئت ان مفيش حجز و طلب مني موظف الريسبشن انى اتصل على موبايلي علشان ااكد الحجز و استغربت من هذا التصرف و و استلمت الغرفة بعد اكتر من ساعه و طبعا ضاعت وجبة الغداء مع وعد من الشركة بالحصول على وجبة الغداء اخر يوم بالفندق: المساوء بعض الشيفات اتعاملوا بمنتهي قله الذوق و كأنك بتشحت حقك منهم وانا بجبب ايس كريم ليا و لاسرتي بيقولى هما فين ؟؟ عمري ما اتعرضت للموقف دة في حياتى . الغرفة رائحتها كريهه زى المجاري بالظبط و خصوصا في الحمام ووجدت صرصار شيء مقزز . الاكل سيء للغاية و مكرر تقريبا اصناف ثابته و اصناف متغيرة . العيش الشامى مجلد و السلطات مش شلطلت اصلا مجرد خضار مبشور و مش طازة دة غير اللحوم و الفراخ سئية المذاق الفاكهه فقط المعقوله هى و الفطار . المشروبات بتتقدم للمصريين في كوبيات بلاسيتك العادية اما الاجانب بتتقدم لهم بطرق اشيك و مخدومة جدا و انت كمصري مش هتحصل علي نفس الميزة الا حسب مزاج الويتر و رضاه عنك خدمة الغرف انت بتشحت الشامبو و الصابون مش بيحطوها بنفسهم و دة لا يليق بفندق خمس نجوم اطلاقا المفروض دة واجب بيتعمل اتوماتك مش مطلوب منى اترجاه يتعمل . اخر يوم رفضوا انى اخد وجبة الغدا و قالوا ممنوع رغم وعد الشركة بكدا لولا استاذ على من ادارة المطعم كان على علم بمشكلة الشيف و قله ادبة معايا فترجى مديره ناخد وجبة مخبوزات و فاكهه بدل الغدا ... بردة احساس مش لطيف و انت عمال تشحت حقك و الشركة مكلفتش خاطرها تعوضنى عن المساويء دي مفيش حفلات غير مين يديسكو للاطفال و اخر يوم مطرب او بيسموه كده تحس انه جاي تقضيه واجب غير كدة مفيش اى فقرات خالص و شعور رهيب بالملل. المطعم ملوش غير باب واحد و دي اول مرة اشوفها في حياتى لازم تلف الكرة الارضيه علشان تدخل المطعمرغم وجود اكتر من باب و لكن مش بيفتوحهم كنوع من التعذيب للنزلاء. مميزات الفندق المشرفين على حماما السباحة عينهم عليه طول الوقت فده امان للاطفال و بعض العاملين كانوا واحد في الريسبشن غير الغرفه لغرفه اقرب و احد العاملين في المطعم شاب صغير كان دايما يسالنا محتاجين حاجة و لكن دى حالاات فردية لان باقي العاملين متجهمين و خصوصا اللي بيقف على باب المطعه تحس انه مخبر و على طول قرفان و كأنه شغال في سجن مش مطعم فندق خمس نجوم . التجربة في عمومها سئية و خلتنى الغي شرم من رحلاتي خلاص

نصيحة حول الغرف: الارضي بجوار المطعم
تاريخ الإقامة: أغسطس 2017
  • نوع الرحلة: سافرت مع العائلة
    • جودة أماكن النوم
    • الغرف
    • الخدمة
2  أشكر Quest494968
يعبر هذا التعليق عن رأي شخصي لأحد أعضاء Tripadvisor ولا يعبر عن رأي شركة TripAdvisor LLC.
تمت كتابة التعليق في 24 أغسطس 2017

للي بيدور على فندق راقي ومحترم في شرم الشيخ ، له طابع عائلي مميز ، وبيهتم كتير بالأطفال ، وكمان هادي ويشجعك على الاسترخاء ، لازم ينزل في شرم جراند بلازا،،،

كان اختياري للفندق بعد بحث دقيق ومتكرر في كل مواقع التواصل الاجتماعي المشهورة وبعد سؤال أهل الخبرة ، وكمان بترشيح من الشركة اللي اخدتني وأسرتي وتكفلت بكل كبيرة وصغيرة ، والحقيقة كان واضح جدا الاهتمام من أول ما وصلنا وحرص الادارة الواضح على راحتنا والاستمتاع بكل دقيقة من وقتنا وكمان اصرار كل العاملين على تلبية طلباتنا،،،
بدأ الاهتمام لما أخدنا وجبة الغدا أول ما وصلنا الفندق برغم وصولنا متأخر ، ولاقيت المطعم بيقدم تلات وجبات بوفيه مفتوح ومتنوع كل يوم وبيرضي كل الأذواق ، وعجبني جدا تجهيز بعض الأصناف قدام عنينا يوميا وفي كل وجبة وبكميات كبيرة جدا، وكمان تخصيص مكان داخل المطعم خاص للأطفال بيقدم بوفيه مفنوح وجلسات مناسبة ليهم وبين الوجبات لاقيت خدمات المشروبات السخنة والساقعة بكل أنواعها وسناك على حمامات السباحة طول اليوم ،،،

اخترت غرفة عائلية فلاقيت كل الغرف العائلية هي الأقرب لحمامات السباحة وكبيرة والمنظر قدامها يهدي الأعصاب ، وكمان قريبة جدا من منطقة مخصصة للأطفال وفيها حمام سباحة ومنطقة ألعاب خاصة بتراعي المواصفات العالمية في الراحة والأمان ، ورغم استمتاع أطفالي بحمام السباحة المشترك إلا انهم بيطلبوا ينزلوا كل يوم في حمام السباحة الخاص بالأطفال،،،
نشاط فريق الانيميشن مميز جدا وحاضر طوال اليوم ، تلاقيهم على حمامات السباحة بينظموا تدريبات أكوا في الماية للكبار والصغار ، وتلاقيهم بيلعبوا كرة مائية مع النزلاء ، وتلاقيهم بعد العشا على المسرح في برنامج خاص للأطفال ، وأشهرهم كان مستر أحمد فصيح اللي أولادي كانوا بيدوروا عليه في كل مكان بيروحوه في الفندق،،،

أما السلبيات فكان معظمها من النزلاء !!! اللي يكح في المطعم لدرجة اني أحس برزاز الكحة على ايدي وأنا شايل الطبق!!! واللي بيدوق الزبادي بمعلقة الغرف الكبيرة ويرجع المعلقة جوا الزبادي!!! واللي بياخد من صواني الاكل بايده او يغرف بهمجية لدرجة ان المكان بين الصواني كأنه ساحة معركة!!! غير كميات الأكل الكبيرة الباقية في الأطباق وكمان خروج النزلاء بكميات ضخمة من الأكل خارج المطعم مع إنه ممنوع ومكتوب باللغة العربية بشكل واضح عند باب المطعم!!! والتصرف الخاطئ والهمجي في استخدام الحمامات بجوار المطعم!!! وغيره،،،

عايز أوصف أكتر وأتكلم كتير عن ايجابيات الفندق لكن تعبت من الكتابة ، والحقيقة إدارة الفندق متميزة وفريق العمل يستحق الشكر والتقدير ، وعلى رأسهم مستر طارق أحمد المحترم ، ومستر علاء وكل مجموعة الاستقبال ، والشيف الكبير قوي تامر الوكيل والشيف حمدي وكل العاملين بالفندق ،،، ربنا يوفقهم ويعينهم ويجمعنا على الخير في الإجازات القادمة بإذن الله

تاريخ الإقامة: أغسطس 2017
  • نوع الرحلة: سافرت مع العائلة
    • جودة أماكن النوم
    • الغرف
    • الخدمة
3  أشكر DR_M7MMD_SHEHATA
يعبر هذا التعليق عن رأي شخصي لأحد أعضاء Tripadvisor ولا يعبر عن رأي شركة TripAdvisor LLC.
عرض المزيد من التعليقات