الفندق نسبة الإشغال فيه عالية و الأغلبية العظمى من الأجانب قضيت اجازه 5 ايام و نوع اقامتي كان soft all inclusive لكن:
1- المعاملة مع النزيل المصري و الاهتمام به غير جيدة تماما إلا لو اشتكيت و صعدت المشكلة لأعلى مسئول في الفندق بعدها يتحسن الوضع نسبيا.
2- مستوى الطعام أقل من المتوسط من حيث الجوده.
و كان نتيجه لكده ان الجروب بتاعي 7 من أصل 9 تعبوا و لازموا الغرف و ده طبعا بوظ الرحلة.
3- تنوع الأصناف في المطعم محدود بشكل ملفت و لا يناسب الجميع بمعنى اني ممكن انزل المطعم و حرفيا ممكن ملاقيش حاجه تناسبني و مفيش غير كده و ساعتها بتضطر انك تختار أقل حاجه ممكن ممكن تناسبك لأن المينيو كل يوم مطبخ شكل يوم هندي يوم صيني يوم مكسيكي يوم مصري و هكذا و انت و حظك بقى. و ده خلاني اني أخرج بره الفندق و اجيب اكل من بره اكتر من مره.
4- ريحة المطعم لوحدها كفيله انك متدخلشي و متاكلشي و الوضع كان محل شكوى guest relation في الفندق.
5- المعامله على ال beach لوجبات snakes ... منتهى قلة الزوق و أكنهم بيعدوا عليك الي بتاكله و بعض الموظفين مش كلهم أسلوبهم فظ و مستفز جدا و بردو كان محل شكوى.
6- بالنسبه لكبار السن نصيحة متاخدشي غرفه sea view لأنها بعيده عن الريسيبشن و المطاعم و مفيش وسيلة نقل داخل الفندق.
7- النشاطات و الألعاب البحرية مكانتشي موجوده امام شاطئ الفندق و ده بيخليك تحجز من جوا الفندق من على البيتش و بينضاف على التكلفه فلوس التنقلات للمكان خارج الفندق الي فيه مثلا براشوت او بنانا او صوفا (و بتكلم على الحد الأدنى للنشاطات طبعا)
8- عند وصولنا للفندق انا كنا حاجزين 3 غرف اولا مفيش اوبشن ان الغرف connected ثانيا غرفه منهم مكانتشي جاهزه من ال guest الي قبلنا و الغرفتين التانيين كانوا جاهزين بس فيهم تراب و كان ده بردو محل شكوى و تم التعامل مع الوضع سريعا من ال room service.
9- الفندق يعتبر قديم من ايام الباب الي بيفتح بالمفتاح التقليدي و مش متحدث
و كنوع اني بس مظلمشي الفنادق ال5 نجوم الحديثه فاما ان الفندق ده آخره 4 نجوم يا اما الفنادق الحديثه تبقى 7 نجوم لو اعتبرنا ان ده 5 نجوم.
أخيرا ...
لحد الريسيبشن الأمور فوق الممتازه بعد الحجز و بداية خوض التجربه فيه صعوبات و مشاكل و دي تجربة الجروب بتاعي كنزلاء مصريين ... طقم الأنيميشن حقول كويس و عامل جو في الفندق.

تجربتنا كجروب مقارنة بأجازات سابقه في أماكن أخرى كانت الأسوأ.

اود ان اشكر كل العاملين في هذا الفندق علي حسن الأستقبال والخدمه الرائعة من أول الاستقبال حيث شعرنا بحاول الاستقبال منتدى قبل محمد سعيد وأود ا أشكر المنقذ حول حمام السباحة فانهم على قدر كبير من الاحترام والاحتراف.

فندق ممتاز من كل شيئ ومن اجمل الاجازات اللي قضيتها في حياتي شكرا لجميع العاملين في هذا المنتجع واتمني ان تتكرر في الايام القادمة في نفس الفندق ونفس الغرفة ومن اكثر ما اعجبني هوا اسلوب جميع العاملين لا يوجد تفرقة بين اجنبي وغير اجنبي. 👌👌